காப்பாரில் துப்பாக்கிச் சூட்டுக் காயங்களுடன் ஒருவர் இறந்து கிடந்ததை அடுத்து, கொலை விசாரணை தொடங்கியுள்ளது. ஜாலான் ஹம்சா அலாங் 22/KU9 இல் புதன்கிழமை (ஆகஸ்ட் 30) சடலம் கண்டெடுக்கப்பட்டதாக வடக்கு கிள்ளான் OCPD உதவி ஆணையர் எஸ். விஜய ராவ் தெரிவித்தார். துப்பாக்கிச் சூடு சத்தம் கேட்டதாகவும், சம்பவ இடத்திற்கு அருகில் சிறிய போக்குவரத்து விபத்தும் ஏற்பட்டதாகவும் நேரில் பார்த்தவர்கள் போலீசாரிடம் தெரிவித்தனர்.
உயிரிழந்தவருக்கு 36 வயது. மிரட்டி பணம் பறித்தல் மற்றும் போதைப்பொருள் தொடர்பான குற்றங்களுக்காக 12 முந்தைய குற்றங்கள் அவருக்கு இருப்பது கண்டறியப்பட்டது.
நாங்கள் அந்த பகுதியில் பல சாட்சிகளை கண்டுபிடித்துள்ளோம். மேலும் ஆதாரங்கள் மற்றும் சிசிடிவி காட்சிகளை சேகரிக்கும் முயற்சிகள் சம்பந்தப்பட்ட சந்தேக நபரை அடையாளம் காணும் நடவடிக்கைகள் நடந்து வருகின்றன என்று ACP விஜய ராவ் வியாழக்கிழமை (ஆகஸ்ட் 31) தெரிவித்தார்.
துப்பாக்கிச் சூட்டில் பலியானவரின் காணொளிகள் சமூக ஊடகங்களில் பரவி, அந்த நபர் தரையில் கிடப்பதையும் சிதைந்த மோட்டார் சைக்கிளையும் காட்டுகிறது.
