ஜோகூர் பாரு: போதைப்பொருள் கடத்தல் கும்பல் மீது நடத்தப்பட்ட சோதனையில் 5 துப்பாக்கிகள், 136 தோட்டாக்களை பறிமுதல் செய்யப்பட்டதோடு ஒன்பது சந்தேக நபர்களை போலீசார் கைது செய்துள்ளனர். புக்கிட் அமானும் மாநில காவல்துறை மற்றும் பணியாளர்கள் செவ்வாய்க்கிழமை (செப்டம்பர் 19) ஜோகூர் பாரு, ஶ்ரீ ஆலம் மற்றும் கோத்தா திங்கியைச் சுற்றி பல சோதனைகளை நடத்தியதாக ஜோகூர் காவல்துறைத் தலைவர் டத்தோ கமருல் ஜமான் மாமத் தெரிவித்தார்.
22 முதல் 36 வயதுக்குட்பட்ட ஆறு ஆண்களையும் மூன்று பெண்களையும் நாங்கள் கைது செய்தோம். சந்தேக நபர்களில் மூன்று பேர் சகோதரர்கள் மற்றும் ஒரு சகோதரி என்று அவர் புதன்கிழமை (செப்டம்பர் 20) மாநில காவல்துறை தலைமையகத்தில் நடைபெற்ற செய்தியாளர் கூட்டத்தில் கூறினார். சந்தேக நபர்களில் இருவர் போதைப்பொருளுக்கு சாதகமாக சோதனை செய்ததாகவும், அவர்களில் ஆறு பேர் மீது போதைப்பொருள் மற்றும் குற்றங்கள் தொடர்பான முந்தைய பதிவுகள் இருப்பதாகவும் மேலும் சோதனையில் கண்டறியப்பட்டதாக கமாருல் ஜமான் கூறினார்.
சோதனையின் போது 27.5 கிலோ கஞ்சா, 1.81 கிலோ ஹெராயின், 2.02 கிலோ சயாபு, 597 கிராம் கெத்தமைன், 540 யாபா மாத்திரைகள் மற்றும் 353 எக்ஸ்டஸி மாத்திரைகள் என 231,462 ரிங்கிட் மதிப்பிலானவை பறிமுதல் செய்யப்பட்டதாக அவர் கூறினார்.
போதைப்பொருள் தவிர, ஐந்து கைத்துப்பாக்கிகள் மற்றும் 136 தோட்டாக்களையும் போலீசார் மீட்டனர். நான்கு மாதங்களுக்கு முன்பு மெர்சிங்கில் நடந்த துப்பாக்கிச் சூடு சம்பவத்தில் துப்பாக்கிகள் பயன்படுத்தப்பட்டதா என்பதை அறிய, சோதனைக்கு துப்பாக்கிகளை அனுப்பியுள்ளோம் என்று கமருல் ஜமான் கூறினார்.
அவர்களிடமிருந்து 111 அட்டைப்பெட்டிகள் சட்டவிரோதமான சிகரெட்டுகள் மற்றும் ஒரு மோட்டார் சைக்கிள், நான்கு கார்கள், ஆறு நகைகள் மற்றும் RM126,000 ரொக்கம் போன்றவற்றையும் போலீசார் பறிமுதல் செய்தனர். தொடர்ந்து விசாரணைக்கு உதவுவதற்காக சந்தேக நபர்கள் அனைவரும் ஆறு நாட்கள் காவலில் வைக்கப்பட்டுள்ளதாக கமருல் ஜமான் தெரிவித்தார்.
