புத்ராஜெயா: இன்றைய அமைச்சரவைக் கூட்டத்தில் அமைச்சரவை மாற்றம் குறித்து எந்த விவாதமும் நடைபெறவில்லை என்று தகவல் தொடர்பு மற்றும் டிஜிட்டல் அமைச்சர் ஃபஹ்மி ஃபட்சில் தெரிவித்துள்ளார்.
பிரதமர் டத்தோஸ்ரீ அன்வார் இப்ராஹிம் தலைமையிலான ஒற்றுமை அரசாங்கத்தில் சாத்தியமான அமைச்சரவை மாற்றங்கள் பற்றிய வதந்திகள் பற்றி கேட்கப்பட்டபோது, அமைச்சரவை மறுசீரமைப்பு பற்றி எந்த விவாதமும் இல்லை என்று அவர் சுருக்கமாக கூறினார்.
அக்டோபர் 7ஆம் தேதி நடைபெறும் பெலங்காய் இடைத்தேர்தலுக்குப் பிறகு அன்வாரின் நிர்வாகத்தில் பல அமைச்சர்கள் பதவி நீக்கப்படுவர் என்றும் அமைச்சரவையில் மாற்றம் இருக்கும் என்று தெரிவிக்கப்பட்டது.
இன்றைய அமைச்சரவைக் கூட்டத்தில் அரிசி விலை மற்றும் விநியோகப் பிரச்சினைகள் குறித்து விவாதித்து தீர்வு காண்பது குறித்து கவனம் செலுத்தியதாக ஒற்றுமை அங்கத்தின் பேச்சாளரான ஃபஹ்மி தெரிவித்தார்.
விவசாயம் மற்றும் உணவுப் பாதுகாப்பு அமைச்சர் டத்தோஸ்ரீ முகமட் சாபு பின்னர் செய்தியாளர் சந்திப்பை நடத்தி பிரச்சினைகள் தொடர்பாக எடுக்கப்பட்ட பல முடிவுகளின் விவரங்களை அறிவிப்பார் என்பதை நான் புரிந்துகொண்டேன். அதுவரை காத்திருப்போம் என்றார்.
