பிரதமர் அன்வார் இப்ராஹிம் தனது அமைச்சரவையை மாற்றியமைக்க எந்த அழுத்தத்தையும் கொடுக்கக் கூடாது என்று அம்னோ துணைத் தலைவர் ஜோஹாரி கானி கூறுகிறார். மற்ற நாடுகளைப் போலவே, இதுபோன்ற முடிவுகள் பிரதமரின் தனி உரிமை என்று தித்திவாங்சா நாடாளுமன்ற உறுப்பினரான அவர் கூறினார். பெந்தோங்கில் உள்ள சுங்கை கபோய் ஒராங் அஸ்லி குடியேற்றத்திற்கு விஜயம் செய்த பின்னர் செய்தியாளர்களிடம் அவர் கூறுகையில், எந்தவொரு அரசாங்கத்திலும், பிரத்தியேகமான முடிவு எடுக்க (மறுசீரமைப்பில்) பிரதமருக்கு அதிகாரம் உள்ளது.
பிரதமரின் விருப்பத்தை நாம் செய்ய அனுமதிக்க வேண்டும். அவர் (அமைச்சரவையை) மாற்றியமைக்க விரும்பினாலும் விரும்பாவிட்டாலும், அது அவருடைய தனி உரிமை. பிரதமருக்கு எந்த அழுத்தத்தையும் கொடுக்க முடியாது. நாங்கள் அவரை பிரதமராக தேர்வு செய்துள்ளோம், நாங்கள் அவருக்கு ஆதரவளிக்க வேண்டும் என்றார். அன்வாரின் ஒற்றுமை அரசாங்கம் 10 மாதங்களுக்கு முன்பு அமைக்கப்பட்டது மற்றும் பல்வேறு உலகளாவிய பொருளாதார சவால்களை எதிர்கொள்ள வேண்டியிருந்தது என்ற உண்மையை பொதுமக்கள் கணக்கில் எடுத்துக்கொள்ள வேண்டும் என்று ஜோஹாரி கூறினார்.
இது கால்பந்து விளையாடுவது போன்றது. பிரதமர் தனது அணியை முடிவு செய்வார். அவர் சொந்தமாக விளையாட முடியாது. ஒரு அணியில் உள்ள ஒவ்வொரு வீரருக்கும் அவரவர் நிபுணத்துவம் உள்ளது. ஆனால் அவர்கள் தங்களைப் பழக்கப்படுத்திக்கொள்ள நேரம் தேவை என்று 2016-18இல் இரண்டாவது நிதியமைச்சராக இருந்த ஜோஹாரி கூறினார்.
அக்டோபர் 7 ஆம் தேதி பெலாங்காய் இடைத்தேர்தலுக்கான பாரிசான் நேஷனல் பிரச்சாரத்திற்கு உதவ ஜோஹாரி ஒராங் அஸ்லி குடியேற்றத்திற்கு வருகை தந்திருந்தார். உள்நாட்டு வர்த்தகம் மற்றும் வாழ்க்கைச் செலவுத் துறை அமைச்சராக இருந்த சலாவுதீன் அயூப்பின் மறைவுக்குப் பிறகு, மாற்றம் குறித்த ஊகங்கள் சமீபத்தில் எழுந்தன. வெள்ளிக்கிழமை, அன்வாரிடம் செய்தியாளர்கள் விரைவில் மாற்றங்கள் செய்ய முடியுமா என்று கேட்டனர். நான் (அதைப் பற்றி) யோசித்துக்கொண்டிருக்கிறேன் என்றார் அவர்.
