ஜோகூர் பாரு: உயர்த்தப்பட்ட நெடுஞ்சாலையின் கான்கிரீட் தூண் மீது கார் மோதியதில் ஒருவர் சம்பவ இடத்திலேயே உயிரிழந்தார். வியாழக்கிழமை (அக். 12) இரவு 8.26 மணிக்கு இந்த சம்பவம் குறித்து தங்களுக்கு அவசர அழைப்பு வந்ததாக ஜோகூர் தீயணைப்பு மற்றும் மீட்புத் துறை செயல்பாட்டு மையம் தெரிவித்துள்ளது.
இந்த சம்பவம் ஜாலான் பாசிர் பெலங்கியில் உள்ள இஸ்தானா பாசிர் பெலாங்கிக்கு முன்னால் நடந்தது என்று லார்கின் தீயணைப்பு நிலையத் தலைவர் சுஹைமி அப்துல் ஜமால் ஒரு அறிக்கையில் தெரிவித்தார்.ன்பாதிக்கப்பட்டவர் ஓட்டிச் சென்ற கார் தூணில் மோதியதாகவும், தீயணைப்புப் படையினர் மீட்பு கட்டர் மற்றும் ஸ்ப்ரேடரைப் பயன்படுத்தி உடலை விடுவித்ததாகவும் அவர் கூறினார்.
சுகாதார அமைச்சகத்தின் மருத்துவக் குழு, விபத்து நடந்த இடத்தில் 27 வயது ஆண் பலியானதை உறுதிப்படுத்தியது என்று சுஹைமி கூறினார். மூத்த அதிகாரி II ஃபிர்தௌஸ் அப்துல்லா தலைமையில் லார்கின் தீயணைப்பு நிலையத்தைச் சேர்ந்த 14 தீயணைப்பு வீரர்கள் அடங்கிய நடவடிக்கை இரவு 9.17 மணிக்கு முடிவடைந்தது என்றார்.
