சிபு:
இந்த மாத தொடக்கத்தில், போலி அதிஷ்டக் குலுக்கல் மோசடியில் சிக்கி முதியவர் ஒருவர் ஒரு இலட்சத்து இருபதாயிரம் ரிங்கிட் இழந்ததாக சரவாக் காவல்துறை ஆணையர் டத்தோ முகமட் அஸ்மான் அஹ்மட் சப்ரி தெரிவித்தார்.
70 வயது மதிக்கத்தக்க அந்த நபர், அதிஷ்டக் குலுக்கல் தொடர்பில் கனோவிட்டில் உள்ள ஒரு ஹோட்டலுக்கு அருகிலுள்ள கார் பார்க்கிங்கில் தனக்குத் தெரியாத ஒரு ஆண் மற்றும் இரண்டு பெண்கள் தன்னை அணுகியதாகக் கூறி நேற்று காவல்துறையில் புகார் அளித்ததாக முகமட் அஸ்மான் கூறினார்.
“சந்தேக நபர் 3 இலட்சம் ரிங்கிட் மதிப்புள்ள அதிஷ்டக் குலுக்கலை வென்றதாக முதியவரிடம் கூறினார், மேலும் சந்தேகத்திற்குரிய பெண்களில் ஒருவர் முதியவரிடம் வங்கிக் கணக்கு எண்ணைக் கேட்டார், அதன் மூலம் அவர்கள் வெற்றி பெற்ற பணத்தை வைப்பிலிட முடியும்” என்று கூறினார்கள்.
அடுத்த நாள் அதிஷ்டக் குலுக்கலில் வெற்றி பெறுவதற்கு முன், அவர் முதலில் RM120,000 கொடுக்க வேண்டும் என்று அந்த முதியவரிடம் கூறப்பட்டதாக முகமட் அஸ்மான் இன்று வெளியிட்டுள்ள ஒரு அறிக்கையில் தெரிவித்தார்.
“பல நாட்களுக்குப் பிறகு சிபுவில் உள்ள ஒரு நிதி நிறுவனத்தில் தனது கணக்கைச் சரிபார்த்தபோது தான், தான் அவர்களால் ஏமாற்றப்பட்டதை பாதிக்கப்பட்டவர் உணர்ந்தார், மேலும் சந்தேக நபர்கள் வாக்குறுதியளித்தபடி RM300,000 தனது வங்கி கணக்கில் செலுத்தப்படவில்லை என்பதைக் கண்டறிந்தார். பின்னர் பாதிக்கப்பட்டவர் காவல்துறையில் புகார் அளித்தார்,” என்று அவர் கூறினார்.
இவ்வழக்கு மோசடி செய்ததற்காக குற்றவியல் சட்டத்தின் பிரிவு 420 இன் கீழ் விசாரிக்கப்படுகிறது என்றார் அவர்.
