கோலாலம்பூர்: உங்களுக்கு தேனிலவு இல்லை என்று புதிய அமைச்சரவை உறுப்பினர்களிடம் டத்தோஸ்ரீ அன்வார் இப்ராஹிம் கூறுகிறார். அமைச்சர்கள் மற்றும் துணை அமைச்சர்கள் தமது பணிகளில் அதிக நோக்கத்துடன் செயற்படுமாறு பிரதமர் நினைவுபடுத்தியுள்ளார். இந்த அரசாங்கம் மக்களின் பிரச்சினைகளை உடனடியாகத் தீர்க்க வேண்டும். வறுமையை ஒழிக்க வேண்டும். பொருளாதார வளர்ச்சியைத் தூண்ட வேண்டும் மற்றும் நாடு முன்னேறுவதை உறுதி செய்ய வேண்டும் என்று அவர் கூறினார்.
புதன்கிழமை (டிசம்பர் 13) அமைச்சரவைக் கூட்டத்திற்குத் தலைமை தாங்கிய அன்வார், அதன் மறுசீரமைப்பிற்கு ஒரு நாள் கழித்து, கூட்டத்தில் ஒவ்வொரு அமைச்சகத்தின் பங்கையும் தெளிவுபடுத்தியதாகக் கூறினார். முகநூல் பதிவில் பிரதமர், நிதியமைச்சர் II டத்தோஸ்ரீ அமீர் ஹம்சா அசிஸான், தோட்டம் மற்றும் பொருட்கள் அமைச்சர் டத்தோஸ்ரீ ஜோஹாரி கானி, சுகாதார அமைச்சர் டத்தோஸ்ரீ டாக்டர் டுல்ஃகிப்ளி அஹ்மட், டிஜிட்டல் அமைச்சர் கோபிந்த் சிங் தியோமற்றும் மனிதவள அமைச்சர் ஸ்டீவன் சிம் ஆகிய புதிய அமைச்சர்களை வரவேற்பதாகக் கூறினார்.
முன்னாள் மனிதவளத்துறை அமைச்சர் வி.சிவகுமாரின் பங்களிப்புக்காக அவர் தனது பாராட்டுக்களையும் தெரிவித்தார். செவ்வாயன்று, அன்வார் சுமார் 20 அமைச்சகங்களை உள்ளடக்கிய அமைச்சரவை மறுசீரமைப்பை அறிவித்தார். இந்த மறுசீரமைப்பு அமைச்சரவை உறுப்பினர்களின் எண்ணிக்கையை 28 இல் இருந்து 31 ஆக உயர்த்தியது. மேலும் துணை அமைச்சர்கள் 27 இல் இருந்து 29 ஆக உயர்ந்தது. ஒற்றுமை அரசாங்க நிர்வாகத்தில் மொத்த உறுப்பினர்களின் எண்ணிக்கையை 60 ஆகக் கொண்டு வந்தது.
