கோலாலம்பூர்: ஜோகூர் பாருவில் டீசல் கடத்தல் கும்பல் மீது நடத்தப்பட்ட சோதனையில் 13 வெளிநாட்டவர்கள் உட்பட மொத்தம் 16 பேர் கைது செய்யப்பட்டதோடு 20.6 மில்லியன் ரிங்கிட் மதிப்புள்ள பொருட்கள் பறிமுதல் செய்யப்பட்டன.
புக்கிட் அமான் உள்நாட்டுப் பாதுகாப்பு மற்றும் பொது ஒழுங்குத் துறையின் (KDNKA) இயக்குநர் டத்தோஸ்ரீ ஹசானி கசாலி கூறுகையில், டிசம்பர் 25ஆம் தேதி பாசிர் கூடாங்கில் உள்ள ஜோகூர் துறைமுகத்தில் கடல் காவல்துறையினரால் சோதனை நடத்தப்பட்டது. நாங்கள் மூன்று உள்ளூர் மற்றும் 13 வெளிநாட்டு பணியாளர்களை கைது செய்தோம்.
1,38,270 லிட்டர் மானிய விலை டீசல், ஒரு லோரி டேங்கர், ஒரு சரக்குக் கப்பல், இரண்டு பம்ப் ஃப்ளோ மீட்டர்கள், இரண்டு எரிபொருள் பம்ப்கள் மற்றும் 13 பாஸ்போர்ட்டுகள் ஆகியவற்றையும் பறிமுதல் செய்துள்ளோம் என்று அவர் செவ்வாய்க்கிழமை (ஜன. 30) ஒரு அறிக்கையில் தெரிவித்தார்.
அனைத்து பொருட்களும் சுமார் 20.6 மில்லியன் ரிங்கிட் மதிப்புடையவை என்று ஹசானி தெரிவித்தார். நாட்டின் சொத்துக்கள் குற்றவாளிகளால் சுரண்டப்படாமல் இருக்க சம்பந்தப்பட்ட நிறுவனங்களுடன் இணைந்து பணியாற்ற நாங்கள் உறுதிபூண்டுள்ளோம் என்று அவர் கூறினார்.
