சீர்திருத்தங்களைக் கோரி செவ்வாய்கிழமை நடைபெறும் பெர்சே கூட்டத்தில் பங்கேற்க வேண்டாம் என்று கோலாலம்பூர் காவல்துறை பொதுமக்களுக்கு அறிவுறுத்தியுள்ளது. கோலாலம்பூர் காவல்துறைத் தலைவர் அலாவுதீன் அப்துல் மஜித் கூறுகையில், சட்டத்தின் கீழ் தேவைப்படும் கூட்டத்திற்கான அறிவிப்பை அமைப்பாளர்கள் 10 நாட்களுக்கு முன் தாக்கல் செய்யவில்லை.
காவல்துறைக்கு தெரிவிக்காமல் கூட்டம் நடத்துவது குற்றமாகும் என்றார். எனவே சட்டத்திற்கு முரணான எந்தவொரு கூட்டத்திலும் பங்கேற்க வேண்டாம் என்று நாங்கள் பொதுமக்களுக்கு அறிவுறுத்துகிறோம். அவ்வாறு பங்கேற்பவர்கள் மீது கடும் நடவடிக்கை எடுக்கப்படும் என அறிக்கையில் தெரிவித்துள்ளார்.
நேற்றைய தினம், அரசியல் சீர்திருத்தங்களை மேற்கொள்ள அரசாங்கத்திற்கு அழுத்தம் கொடுக்க பெர்சே அடுத்த வாரம் நாடாளுமன்ற கட்டிடத்தின் முன் ஒரு பேரணியை நடத்த திட்டமிட்டுள்ளதாக தெரிவிக்கப்பட்டுள்ளது. X சமூக ஊடக செயலியில் ஒரு பதிவில், செவ்வாய்கிழமை காலை 8 மணிக்கு பிளாசா துகு நெகாரா முன் ஒன்று கூடுமாறு பெர்சே பொதுமக்களுக்கு அழைப்பு விடுத்தது.
முந்தைய இடுகை, பிரதமர் பதவிக் காலம் மற்றும் தேசத்துரோகச் சட்டத்தை ஒழித்தல் உள்ளிட்ட பல சீர்திருத்தங்களை பெர்சே சுட்டிகாட்டியது. இந்த மாத தொடக்கத்தில், அரசாங்கம் அதன் நிறுவன மற்றும் அரசியல் சீர்திருத்த நிகழ்ச்சி நிரலுக்கு உறுதியளிக்கவில்லை என்றால், மீண்டும் சாலை போராட்டங்களை நடத்தத் தயங்கமாட்டோம் என்று பெர்சே கூறியிருந்தது.
