மக்களவை சபாநாயகரிடம் என்ன செய்வது என்று சொல்ல அமைச்சரவை உட்பட யாருக்கும் அதிகாரம் இல்லை என்று தகவல் தொடர்பு அமைச்சர் ஃபஹ்மி பட்சில் கூறுகிறார். சபையில் நாடாளுமன்ற உறுப்பினர்கள் தெரிவித்த தவறான கருத்துக்கள் குறித்து சபாநாயகரை “தொடர்பு கொள்ள” அமைச்சரவை உத்தேசித்துள்ளது என்று அவர் வெளியிட்ட அறிக்கையை தெளிவுபடுத்திய ஃபஹ்மி, இது கருத்துக்களை வழங்குவதற்காகவே தவிர, நாடாளுமன்ற உறுப்பினர்களை கண்டிப்பதற்காக அல்ல என்றார்.
எதிர்க்கட்சியில் உள்ள நாடாளுமன்ற உறுப்பினர்கள் உட்பட எவரும் சபாநாயகரை சந்தித்து தங்கள் கருத்துக்களை தெரிவிப்பதும், ஆலோசனை பெறுவதும், கருத்துகளை பரிமாறிக் கொள்வதும் பொதுவான நடைமுறையாகும் என்றார். ஆனால் சபாநாயகருக்கு அறிவுரை வழங்க முடியாது என்று அவர் இன்று நடந்த ஒரு நிகழ்விற்குப் பிறகு செய்தியாளர்களிடம் கூறினார்.
தேர்ந்தெடுக்கப்பட்ட பிரதிநிதிகள் முதலில் ஒரு அறிக்கையை வெளியிட்டு பின்னர் மன்னிப்பு கேட்கும் போக்கு இருப்பதால், எம்.பி.க்கள் தவறான கருத்துக்களை வெளியிடாமல் இருப்பதை உறுதிசெய்ய அமைச்சரவை சபாநாயகர் அலுவலகத்தை தொடர்பு கொள்ளும் என்று வெள்ளிக்கிழமை ஃபஹ்மி கூறினார்.
ஃபஹ்மியின் அறிக்கை டிஏபியின் புக்கிட் குளுகோர் நாடாளுமன்ற உறுப்பினர், ராம்கர்பால் சிங் மற்றும் உரிமைக் குழுவான Lawyers for Liberty (LFL) ஆகியவற்றிலிருந்து விமர்சனத்துக்கு உள்ளானது. ராம்கர்பால் கூறுகையில், இதுபோன்ற அறிக்கை, சுதந்திரமாக இருக்க வேண்டிய நாடாளுமன்றத்தை நடத்துவதில் அரசாங்கத்தின் கையைப் பற்றிய உணர்வை ஏற்படுத்தியது. நாடாளுமன்றம் சுயாதீனமானது என்பதும், தவறான அறிக்கைகளை வெளியிடும் உறுப்பினர்களைக் கையாள்வதற்கு அதன் நிலையியற் கட்டளைகளில் போதிய அதிகாரங்கள் இருப்பதும் அடிப்படையானது என்றார்.
கூட்டாட்சி அரசியலமைப்பின் 62 மற்றும் 63ஆவது பிரிவுகளை மேற்கோள் காட்டிய LFL ஆலோசகர் என் சுரேந்திரன், மக்களவை அதன் சொந்த விவகாரங்கள் மற்றும் நடவடிக்கைகளில் முழு அதிகாரத்தையும் கட்டுப்பாட்டையும் கொண்டுள்ளது என்றார். அமைச்சர்கள் நாடாளுமன்ற கவலைகளை எழுப்பினாலும், ஒரு கூட்டு அமைப்பாக அமைச்சரவையால் நாடாளுமன்ற விவகாரங்களில் தலையிட முடியாது என்றும் அவர் கூறினார்.
கடந்த வாரம் மக்களனவையில் தாசேக் குளுகோர் நாடாளுமன்ற உறுப்பினர் வான் சைபுல் வான் ஜான் சம்பந்தப்பட்ட ஒரு சம்பவத்தை ஃபஹ்மி சுட்டிக் காட்டினார். பிரதமர் அன்வார் இப்ராஹிம் தனது அதிகாரத்தை துஷ்பிரயோகம் செய்ததாக வான் சைபுல் கூறிய குற்றச்சாட்டு தொடர்பாக எதிர்க்கட்சிகள் சபாநாயகர் ஜொஹாரி அப்துலை சந்தித்ததாக அவர் கூறினார்.
ஜோஹாரி வான் சைபுலுக்கு தனது அறிக்கைகளைத் தெளிவுபடுத்த ஒரு வாய்ப்பைக் கொடுத்தார். அதைத் தொடர்ந்து வான் சைபுல் மாமன்னர் மற்றும் அன்வாரிடம் கருத்துக்களுக்கு மன்னிப்பு கேட்டார். நாள் முடிவில், என்ன நடவடிக்கை அவசியம் என்று கருதப்பட வேண்டும் என்பதை சபாநாயகர் முடிவு செய்ய வேண்டும் ஃபஹ்மி கூறினார்.
