சுங்கை பூலோ: சிலாங்கூரில் போதைப்பொருள் கடத்தியதாக இரு தாய்லாந்து தம்பதிகள் கைது செய்யப்பட்டுள்ளனர். சுபாங் ஜெயா, அம்பாங் ஜெயா மற்றும் பாலகோங் ஆகிய இடங்களில் நடத்தப்பட்ட சோதனையில் மொத்தம் 6 பேர் கைது செய்யப்பட்டதாக சிலாங்கூர் காவல்துறைத் தலைவர் டத்தோ ஹுசைன் உமர் கான், வெள்ளிக்கிழமை (மார்ச் 15) காவல்துறை தலைமையகத்தில் செய்தியாளர் கூட்டத்தில் தெரிவித்தார்.
புதன்கிழமை (மார்ச் 13) நடந்த முதல் சோதனையில், சுபாங் ஜெயாவில் ஒரு காரை போலீசார் நிறுத்திய பின்னர் இரண்டு உள்ளூர் ஆண்கள் கைது செய்யப்பட்டனர். வாகனத்தை சோதனை செய்ததில் 40.1 கிலோ கஞ்சா கண்டுபிடிக்கப்பட்டது. விசாரணைக்குப் பிறகு, அம்பாங் ஜெயாவில் உள்ள ஒரு வீட்டில், அதே நாளில் 50.3 கிலோ கஞ்சா கண்டுபிடிக்கப்பட்டதாக (அவர்கள் தகவல் தெரிவித்தனர்). இது பாலகோங்கில் உள்ள ஒரு வீட்டுப் பகுதியில் இரண்டு வெளிநாட்டு தம்பதியரை கைது செய்ய வழிவகுத்தது என்று அவர் கூறினார்.
தம்பதிகள் போதைப்பொருள் விற்பனைக்கு பொறுப்பாக இருப்பது விசாரணையில் கண்டறியப்பட்டுள்ளது என்று ஹுசைன் கூறினார். அவர்கள் அண்டை நாடுகளில் இருந்து போதைப்பொருட்களை பெறுவார்கள். ஆனால் மற்ற தரப்பினர் அவற்றை மலேசியாவிற்கு கடத்துவதற்கு காரணமாக இருந்தனர். கடந்த ஆண்டு முதல் நான்கு வெளிநாட்டவர்கள் மலேசியாவிற்கு மூன்று முறை பயணங்களை மேற்கொண்டுள்ளனர் என்பது அறியப்படுகிறது. மொத்தத்தில், சுமார் RM281,000 போதைப்பொருள் கைப்பற்றப்பட்டது.
