சிரம்பான் ஜாலான் நுசாரி அமானில் சைக்கிள் மற்றும் கார் மோதியதில் ஐந்து வயது சிறுமி உயிரிழந்தார். ஜாலான் நுசாரி அமான் 2/2M இலிருந்து தாமான் நுசாரி அமான் காவலர் போஸ்ட் 1B வாயில் நோக்கி கார் சென்றுகொண்டிருந்தபோது விபத்து நடந்ததாக ஆரம்ப விசாரணையில் தெரியவந்ததாக சிரம்பான் மாவட்ட காவல்துறைத் தலைவர் உதவி ஆணையர் முகமட் ஹட்டா சே டின் தெரிவித்தார்.
உயிரிழந்த சிறுமி சைக்கிள் ஓட்டிக்கொண்டு எதிரே வந்த காரின் பாதையில் நுழைந்தபோது, 34 வயதுடைய நபர் ஒருவர் ஓட்டிச் சென்ற பெரோடுவா அதிவா கார் மீது மோதினார். சைக்கிளில் மோதுவதைத் தவிர்க்க ஓட்டுநருக்கு நேரமில்லாமல் போனது என்று அவர் மேற்கோள் காட்டினார்.
சிறுமி படுகாயமடைந்து சிகிச்சைக்காக சிரம்பான் துவாங்கு ஜபார் மருத்துவமனைக்கு கொண்டு செல்லப்பட்டார். அங்கு அவர் இறந்ததாக அறிவிக்கப்பட்டது. சாலை போக்குவரத்து சட்டம் (ஏபிஜே) 1987 பிரிவு 41(1)ன் படி இந்த வழக்கு விசாரணையில் உள்ளது.
விபத்து பற்றிய தகவல் தெரிந்தவர்கள் 016-2895801 என்ற எண்ணில் இன்ஸ்பெக்டர் ஃபட்ஸிலா அஹ்மட்டைத் தொடர்பு கொள்ளலாம் அல்லது விசாரணையில் உதவுவதற்கு அருகிலுள்ள காவல் நிலையத்திற்குச் செல்லலாம் என்றும் முகமட் ஹட்டா கூறினார். வீட்டிற்கு வெளியே குழந்தைகளின் நடமாட்டத்தை பெற்றோர்கள் அல்லது பெரியவர்கள் கண்காணிக்க அறிவுறுத்தப்படுகிறார்கள்.
