கோலாலம்பூர்: சியாபுவை சேமித்து விநியோகித்ததாக நம்பப்படும் உள்ளூர் ஆட்கள் இருவரை இரண்டு சோதனைகளில் போலீசார் கைது செய்தனர் மற்றும் டேசா பெட்டாலிங்கில் நேற்று 4 மில்லியன் ரிங்கிட் மதிப்புள்ள போதைப் பொருட்களை கைப்பற்றினர். புக்கிட் அமான் போதைப்பொருள் குற்றப் புலனாய்வுத் துறையின் (என்சிஐடி) இயக்குநர் டத்தோ காவ் கோக் சின் கூறுகையில், பிற்பகல் 2.40 மணி முதல் மாலை 5.30 மணி வரை புக்கிட் அமான் என்சிஐடியின் சிறப்புக் குழு நடத்திய சோதனையைத் தொடர்ந்து, ஒரு காரில் இருந்து 126.18 கிலோ சயாபு பறிமுதல் செய்யப்பட்டதோடு 37 வயதுடைய சந்தேக நபர் ஒருவரும் கைது செய்யப்பட்டார்.
முதலாவது சந்தேக நபரின் நடத்தப்பட்ட விசாரணைக்குப் பிறகு அதே பகுதியில் உள்ள ஒரு வீட்டில் இரண்டாவது சோதனைக்கு அழைத்துச் சென்றதாகவும், மேலும் 43 வயதான மற்றொரு நபரை கைது செய்ததாகவும் அவர் கூறினார். இந்த கும்பல் 2023 ஆம் ஆண்டின் நடுப்பகுதியில் இருந்து செயல்படுவதாக நம்பப்படுகிறது. மேலும் அண்டை நாட்டிலிருந்து சாலை வழியாக போதைப்பொருள் விநியோகத்தை கடத்துவது பயன்படுத்தப்படும் முறையாக இருந்து வருகிறது.
இந்த மருந்துகள் அனைத்தும் உள்ளூர் சந்தையில், குறிப்பாக கிள்ளான் பள்ளத்தாக்கைச் சுற்றி விநியோகிப்பதற்காகவே என்று அவர் இன்று கோலாலம்பூர் போலீஸ் தலைமையகத்தில் நடந்த (IPK KL) செய்தியாளர் கூட்டத்தில் கூறினார். இரண்டு சந்தேக நபர்களும் விசாரணையில் உதவுவதற்காக, ஜூலை 17 வரை ஏழு நாட்கள் விளக்கமறியலில் வைக்கப்பட்டனர். மேலும் இந்த வழக்கு ஆபத்தான போதைப்பொருள் சட்டம் 1952 இன் பிரிவு 39B இன் கீழ் விசாரிக்கப்படுகிறது.
அத்துடன் இரண்டு கார்கள் கைப்பற்றப்பட்டன – ஒரு Perodua Alza மற்றும் ஒரு Mercedes Benz ஆகியு கார்கள் 97,700 ரிங்கிட் மதிப்புடையதாக மதிப்பிடப்பட்டுள்ளது. 1988 ஆம் ஆண்டின் ஆபத்தான மருந்துகள் (சொத்து பறிமுதல்) சட்டத்தின் கீழ், போதைப்பொருள் மற்றும் சொத்து பறிமுதல் ஆகியவற்றின் மொத்த மதிப்பு 4.14 மில்லியன் ரிங்கிட் என தெரிவித்தார்.
