அண்மையில் 1 மில்லியன் அமெரிக்க டாலர் பிணைத் தொகைக்காக சீன நாட்டவரை கடத்தியதாக திருமணமான தம்பதி உள்ளிட்ட 6 பேர் மீது செஷன்ஸ் நீதிமன்றத்தில் இன்று குற்றம் சாட்டப்பட்டது. குற்றம் சாட்டப்பட்டவர்கள் – கணவர் மற்றும் மனைவி லோஹ் வெய் ஜியான் மற்றும் வோங் சியாவோ யென் ( இருவருக்கும் 29), ஜுன் ஹியோங், 28 லா ஹான் வெய் 28, தினேஷ் டான் 29, ஜோங் லி ஜியாட் 25 – நீதிபதி அமீர் அஃபெண்டி ஹம்சா முன் குற்றமற்றவர்கள் என்று கூறி விசாரணை கோரினர்.
குற்றப்பத்திரிகையின்படி, ஆறு பேரில் இன்னும் நால்வரும் இன்னும் தலைமறைவாக உள்ளனர் என்றும் 1 மில்லியனுக்கும் அதிகமான அமெரிக்க டாலர் பிணைத்தொகைக்காக அந்த நபரை கடத்தி வைத்ததாக குற்றம் சாட்டப்பட்டுள்ளது. ஜூலை 11 ஆம் தேதி காலை 11 மணிக்கு மாஜு விரைவுச் சாலையின் சைபர்ஜெயாவிற்கு வெளியேறும் இடத்தில் அவர்கள் இந்தக் குற்றத்தைச் செய்ததாகக் கூறப்பட்டது. கடத்தல் சட்டம் 1961 இன் பிரிவு 3 (1) இன் கீழ் கட்டமைக்கப்பட்ட குற்றச்சாட்டு மற்றும் தண்டனைச் சட்டத்தின் பிரிவு 34 உடன் சேர்த்து வாசிக்கப்பட்டது. குற்றம் நிரூபிக்கப்பட்டால் 30 முதல் 40 ஆண்டுகள் வரை சிறைத்தண்டனை பிரம்படி ஆகிய தண்டனைகள் வழங்கப்படும்.
வழக்கு விசாரணையை துணை அரசு வழக்கறிஞர் வாபி ஹுசைன் கையாண்டார். குற்றம் சாட்டப்பட்டவர்கள் சார்பிலும் வழக்கறிஞர்கள் ஆஜராகி இருந்தனர். ஒவ்வொரு தரப்பு வழக்கறிஞரும் தனது வாடிக்கையாளருக்கு ஜாமீன் கோரினர். ஆனால் அமீர் அந்த விண்ணப்பங்களை நிராகரித்தார்.
அனைத்து வாதங்களையும், குற்றச்சாட்டின் தன்மையையும் பரிசீலித்த நீதிமன்றம், ஜாமீன் வழங்கப்பட மாட்டாது என்று முடிவு செய்துள்ளதாகவும், ஆவணங்களை சமர்பிக்க அக்டோபர் 8 ஆம் தேதியை நிர்ணயித்திருப்பதாகவும அவர் தெரிவித்தார். இந்த வார தொடக்கத்தில், இந்த வழக்கில் தொடர்புடையதாகக் கருதப்படும் நான்கு சந்தேக நபர்களை போலீசார் இன்னும் தேடி வருவதாகத் தெரிவிக்கப்பட்டது.
கடத்தலைத் திட்டமிட்டு செயல்படுத்திய 18 பேர் கொண்ட கும்பலில் நான்கு பேர் – மூன்று ஆண்கள் மற்றும் ஒரு பெண் – நான்கு பேர் என்று சிலாங்கூர் காவல்துறைத் தலைவர் ஹுசைன் ஒமர் கான் உறுதிப்படுத்தினார். மேலும் அவர்கள் இன்னும் நாட்டில் இருப்பதாக நம்பப்படுகிறது. ஆகஸ்டு 3 அன்று, கடத்தலில் ஈடுபட்டதாக நம்பப்படும் ஜோகூர் ஸ்கூடாயில் நான்கு சந்தேக நபர்களை போலீசார் சுட்டுக் கொன்றனர்.
