கோலாலம்பூர்: மலாயா பல்கலைக்கழக வளாகத்தில் உள்ள கே.கே. மார்ட் நுழைவாயிலில் இரண்டு நபர்கள் சிவப்பு வணணப்பூச்சைத் தெளித்ததாக சந்தேகிக்கப்படுகிறது. சம்பவம் நடந்த செவ்வாய்க்கிழமை (ஜனவரி 21) இருவரும் மோட்டார் சைக்கிளில் விற்பனை நிலையத்திற்கு அருகில் வந்ததை ரகசிய கண்காணிப்பு கேமிரா வழி தெரிய வந்ததாக கோலாலம்பூர் காவல்துறைத் தலைவர் ஆணையர் டத்தோ ருஸ்டி முகமட் இஷா தெரிவித்தார். நாங்கள் அவர்களை அடையாளம் காணும் பணியில் ஈடுபட்டுள்ளோம்.
தகவல் தெரிந்தவர்கள் விரைவில் காவல்துறையைத் தொடர்பு கொள்ளுமாறு நாங்கள் கேட்டுக்கொள்கிறோம் என்று வெள்ளிக்கிழமை (ஜனவரி 24) நகர காவல்துறை மாதாந்திரக் கூட்டத்தில் கலந்து கொண்ட பிறகு செய்தியாளர் கூட்டத்தில் அவர் கூறினார். இந்த சம்பவம் குறித்து UM போலீசில் புகார் அளித்ததாக தெரிவிக்கப்பட்டது.
கே.கே. மார்ட் வளாகத்தில் நடந்த வண்ணப்பூச்சுத் தெறிப்பு சம்பவத்தை யு.எம் மிகவும் தீவிரமாக எடுத்துக்கொள்கிறதுஎன்று புதன்கிழமை (ஜனவரி 22) வெளியிடப்பட்ட அறிக்கையில் அது தெரிவித்துள்ளது. விசாரணையில் அதிகாரிகளுடன் முழு ஒத்துழைப்பை வழங்க UM உறுதிபூண்டுள்ளது என்று அது மேலும் கூறியது. இதுபோன்ற சம்பவங்கள் மீண்டும் நிகழாமல் இருப்பதை உறுதி செய்ய பொறுப்பானவர்கள் மீது கடுமையான நடவடிக்கை எடுக்க வேண்டும் என்றும் UM வலியுறுத்தியது. சமீபத்தில், UM இல் உள்ள KK கான்செப்ட் ஸ்டோரில் விற்கப்பட்ட “ஹாம் & சீஸ்” என்று பெயரிடப்பட்ட ஒரு சாண்ட்விச் பேக் ஹலால் லோகோவைப் பயன்படுத்தியதால் சர்ச்சையைத் தூண்டியது.
ஜனவரி 10 அன்று, இஸ்லாமிய மேம்பாட்டுத் துறை (ஜாக்கிம்) மற்றும் உள்நாட்டு வர்த்தகம் மற்றும் வாழ்க்கைச் செலவு அமைச்சகத்தின் ஆய்வுகளைத் தொடர்ந்து, UM இல் உள்ள இரண்டு KK சூப்பர் மார்ட் விற்பனை நிலையங்கள் மூடப்பட்டன. சாண்ட்விச் பேக்கேஜிங்கில் அதிகாரப்பூர்வ ஹலால் சான்றிதழ் இல்லை என்றும், அதை தயாரித்த நிறுவனம் மலேசிய ஹலால் சான்றிதழ் வைத்திருப்பவர் அல்ல என்றும் ஜாக்கிம் கூறினார்.
கே.கே சூப்பர் மார்ட் ஒரு அறிக்கையில், ஷேக் அண்ட் பேக் கஃபே, சிக்கன் ஹாம் மற்றும் சீஸ் அடுக்குகளுக்கு குறிப்புக்காக ஹலால் சான்றிதழை வழங்கியதாகக் கூறியது. சாண்ட்விச் பேக்கேஜிங்கில் கே.கே சூப்பர் மார்ட் லோகோவைப் பயன்படுத்த ஷேக் அண்ட் பேக் கஃபேவுக்கும் அதிகாரம் இல்லை என்று கே.கே சூப்பர் மார்ட் தெரிவித்துள்ளது.
