நோவக் ஜோகோவிக் ஆஸ்திரேலியா ஒபெனில் இருந்து வெளியேறியது அனைவருக்கும் அதிர்ச்சியை ஏற்படுத்தியது. 37 வயதாகும் செர்பியா நாட்டை சேர்ந்த டென்னிஸ் வீரரான ஜோகோவிக் 25 ஆவது கிராண்ட்ஸ்லாம் பட்டத்தை எதிர்நோக்கி இருந்தார். நடைபெற்று வந்த ஆஸ்திரேலியா ஓபன் தொடரில் சிறப்பான ஆட்டத்தை வெளிப்படுத்தி வந்த ஜோகோவிக் காலிறுதி போட்டி வரை முன்னேறினார்.
காலிறுதி போட்டியில் கார்லஸை தோற்கடித்து அரையிறுதி போட்டிக்கு முன்னேறினார் ஜோகோவிக். எனவே கண்டிப்பாக ஆஸ்திரேலியா ஓபன் தொடரை ஜோகோவிக் வெல்வார் என பலராலும் எதிர்பார்க்கப்பட்டது. ஆனால் யாரும் எதிர்பார்க்காத வகையில் அரையிறுதி போட்டியில் ஜோகோவிக் பாதியில் காயம் காரணமாக வெளியேறினார். இது ஜோகோவிக் ரசிகர்களுக்கு மிகப்பெரிய சோகத்தை கொடுத்தது.
எப்படியாவது காயத்தை சமாளித்து போட்டியில் விளையாடலாம் என நினைத்திருந்தார் ஜோகோவிக். ஆனால் காயம் அவரை அவதிக்கு உண்டாக்கியது. அதன் காரணமாக பாதியிலேயே வெளியேறினார் ஜோகோவிக். இதனால் சிலர் ஜோகோவிக்கை கடுமையாக விமர்சித்தார்கள். இதன் காரணமாக கடுப்பான ஜோகோவிக் தனக்கு ஏற்பட்ட காயத்தின் ஸ்கேனை சோஷியல் மீடியா பக்கத்தில் போஸ்ட் செய்தார்.
இந்நிலையில் ஜோகோவிக்கின் மருத்துவர் இகோரின் வழிகாட்டுதல் அவரின் வாழ்க்கையை மாற்றியதாக ஒரு தொழிலதிபர் கூறியுள்ளார். ஒரே ஒரு டயட் ஜோகோவிக்கின் வாழ்க்கையையே மாற்றியதாகவும், அவரை நம்பர் ஒன் வீரராக உருவெடுக்க வைத்ததாகவும் கூறியிருந்தார்.
அவர் கூறியதாவது ,2010 ஆம் ஆண்டு ஜோகோவிக் ஒரு தடுமாறும் வீரராகவே இருந்தார். களத்தில் மயக்கம் வாந்தி அவருக்கு ஏற்பட்டு உடல்நிலை சரியில்லாத சூழல் இருந்தது. இதனால் போட்டியில் அவரால் கவனத்தை செலுத்தமுடியவில்லை. அப்போது தான் அவரின் உணவு பழக்கங்களில் பிரச்சனை இருப்பதை உணர்ந்தார் இகோர். எனவே ஸ்ட்ரிக்டான டயட்டை பின்தொடர்ந்தார் ஜோகோவிக்.
அதன் பிறகு தான் அவரின் வாழ்க்கை மாறியது. பல வெற்றிகளை குவித்து நம்பர் ஒன் வீரராக முன்னேறினார் ஜோகோவிக். டாக்டர் இகோர் செட்டோஜெவிச்சின் வழிகாட்டுதல் ஜோகோவிக்கின் உணவு பழக்கங்களை மாற்றியது. ஸ்ட்ரிக்டான டயட் பிளானை ஜோகோவிக் பின்தொடர்ந்தார். அதன் பிறகு வலிமை உடையவராக மாறினார் ஜோகோவிக்.
அன்று முதல் இன்று வரை ஜோகோவிக் ஸ்ட்ரிக்டான டயட் பிளானை தான் பின்தொடர்ந்து வருகின்றார். அந்த டயட் பிளானால் ஜோகோவின் வெயிட் கணிசமாக குறைந்தது. இது அவரது குடும்பத்தாரை சற்று கலக்கத்தில் ஆழ்த்தியது. இருந்தாலும் அது ஆரோக்கியமான விஷயம் தான். ஒரே ஒரு டயட் பிளான் ஜோகோவிக்கின் வாழ்க்கையையே மாற்றியுள்ளது என்றார் பிரபல தொழிலதிபர்.
