கப்பாளா பத்தாஸ், வெள்ளிக்கிழமை (ஜூன் 27) இங்கு அருகிலுள்ள வடக்கு-தெற்கு விரைவுச்சாலையின் தெற்கு நோக்கிச் செல்லும் KM127.8 இல் இரண்டு வாகனங்கள் மோதிய விபத்தில் கணவர் உயிரிழந்த வேளையில் அவரது தனது மனைவி இரண்டு குழந்தைகள் காயத்திற்கு ஆளாகினர்.
பினாங்கு தீயணைப்பு மீட்புத் துறை செயல்பாட்டு உதவி இயக்குநர் ஜான் சகுன் பிரான்சிஸ், கப்பாளா பத்தாஸ் தீயணைப்பு மீட்பு நிலையத்திலிருந்து ஒரு குழுவை சம்பவ இடத்திற்கு அனுப்புவதற்கு முன்பு, காலை 7.51 மணிக்கு துறைக்கு அவசர அழைப்பு வந்ததாகக் கூறினார். எங்கள் குழு வருவதற்கு முன்பு பொதுமக்களால் மூன்று பெரியவர்கள், இரண்டு குழந்தைகள் என ஐந்து பேர் மீட்கப்பட்டனர் என்றும் இது இரண்டு கார்கள் சம்பந்தப்பட்ட விபத்து என ஒரு அறிக்கையில் தெரிவித்தார்.
இறந்தவர் ஒரு காரின் 33 வயது ஓட்டுநர் என அவர் அடையாளம் காணப்பட்டார். அவர் மருத்துவ பணியாளர்களால் சம்பவ இடத்திலேயே இறந்துவிட்டதாக அறிவிக்கப்பட்டது. உடல் பிரேத பரிசோதனைக்காக செபெராங் ஜெயா மருத்துவமனைக்கு (HSJ) அனுப்பப்பட்டது. அவரது மனைவிக்கு முதுகுத்தண்டில் காயம் ஏற்பட்டது. ஆறு, எட்டு வயதுடைய அவர்களின் இரண்டு குழந்தைகள் லேசான காயமடைந்தனர் என்று அவர் மேலும் கூறினார். மற்றொரு ஓட்டுநரான 35 வயது நபருக்கும் லேசான காயம் ஏற்பட்டது.
