உலகளாவிய எண்ணெய் விலை உயர்வு காரணமாக, தீபகற்ப மலேசியாவில் ரோன்97 டீசல் விலைகள் வரும் வாரத்தில் லிட்டருக்கு மூன்று சென்கள் உயரும். நாளை முதல் நாடு முழுவதும் ரோன்97 விலை லிட்டருக்கு RM3.18இலிருந்து RM3.21 ஆகவும், டீசல் லிட்டருக்கு RM2.88லிருந்து RM2.91 ஆக இருக்கும் என நிதியமைச்சகம் தெரிவித்தது.
ஜூன் 2024 இல் முதன்முதலில் அறிமுகப்படுத்தப்பட்டபோது இருந்த RM3.35 விகிதத்தை விட டீசல் விலை இன்னும் குறைவாகவே உள்ளது என்று அமைச்சகம் ஒரு அறிக்கையில் சுட்டிக்காட்டியுள்ளது. RON95 விலை லிட்டருக்கு RM2.05 ஆக பராமரிக்கப்படுகிறது. அதே நேரத்தில் கிழக்கு மலேசியாவில் டீசல் லிட்டருக்கு RM2.15 மானிய விலையில் சில்லறை விற்பனை செய்யப்படும்.
இந்த விலைகள் ஜூலை 23 வரை அமலில் இருக்கும். உலகளாவிய கச்சா எண்ணெய் விலை போக்குகளை அரசாங்கம் தொடர்ந்து கண்காணித்து, மக்களின் தொடர்ச்சியான நலன், நல்வாழ்வை உறுதி செய்ய பொருத்தமான நடவடிக்கைகளை எடுக்கும் என்று அமைச்சகம் தெரிவித்துள்ளது.
