மூன்று வகையான வனவிலங்குகளை கடத்த முயன்றதாக சந்தேகிக்கப்படும் ,மலேசியப் பெண் விமான நிலையத்தில் கைது

கோலாலம்பூர்:  மூன்று வகையான வனவிலங்குகளை தான் கொண்டு சென்ற பொருட்களுடன் மறைத்து கடத்த முயன்றதாக சந்தேகிக்கப்படும் ஒரு பெண் நேற்று கோலாலம்பூர் அனைத்துலக விமான நிலைய (KLIA) முனையம் 1 இல் அதிகாரிகளால் கைது செய்யப்பட்டார். இரவு 9.10 மணிக்கு KLIA, ஹேமர்ஹெட் H2 இல் AKPS அதிகாரிகள் மேற்கொண்ட  சோதனையின் போது 36 வயதான உள்ளூர் பெண்ணின் செயல்கள் கண்டுபிடிக்கப்பட்டதாக எல்லைக் கட்டுப்பாடு, பாதுகாப்பு நிறுவனம் (AKPS) தெரிவித்துள்ளது.

நெகிரி செம்பிலானைச் சேர்ந்த அந்தப் பெண் இரவு 9.30 மணிக்கு இந்தியாவின் ஹைதராபாத் புறப்படும் விமானத்தில் ஏற திட்டமிடப்பட்டிருந்தார். இருப்பினும், அவரது பொருட்களை சோதனை செய்ததில் நான்கு சியாமாங்ஸ், நான்கு சர்க்கரை கிளைடர்கள் ஒரு குரங்கு அடங்கிய ஒன்பது காட்டு விலங்குகள் கண்டுபிடிக்கப்பட்டன என்று இன்று அந்த அறிக்கையில் கூறப்பட்டுள்ளது. AKPS இன் படி, அனைத்து விலங்குகளும் பாதுகாக்கப்பட்ட இனங்கள் மற்றும் சட்டவிரோத அனைத்துலக வர்த்தக நோக்கத்திற்காக கடத்தப்பட்டதாக நம்பப்படுகிறது.

கைப்பற்றப்பட்டவற்றின் மொத்த மதிப்பு 127,000  ரிங்கிட்டை எட்டும் என்றும் வனவிலங்கு பாதுகாப்புச் சட்டம் 2010 (சட்டம் 716) மற்றும் அழிந்து வரும் உயிரினங்களில் அனைத்துலக வர்த்தகச் சட்டம் 2008 (சட்டம் 686) ஆகியவற்றின் படி சந்தேக நபர் மேலும் விசாரணைக்காக KLIA காவல் நிலையத்திற்கு அழைத்துச் செல்லப்பட்டார். AVSEC KLIA உடன் இணைந்து AKPS KLIA, நாட்டின் வான்வெளி வழியாக வனவிலங்கு கடத்தல் நடவடிக்கைகளைத் தடுக்கும் முயற்சியில் ஒருங்கிணைந்த ஆய்வுகளைத் தொடர்ந்து தீவிரப்படுத்தும் எனவும் தெரிவிக்கப்பட்டது.