மூத்த இராணுவ அதிகாரிகளின் பெயர் பட்டியல் உட்பட ஆயுதப் படைகளில் நியமனங்கள் குறித்த சமூக ஊடக ஊகங்கள் பரவுவதற்கு எதிராக பாதுகாப்பு அமைச்சகம் எச்சரிக்கை விடுத்துள்ளது. இதுபோன்ற நடவடிக்கைகள் அதிகாரிகளின் மன உறுதியைப் பாதிப்பதோடு கட்டளைச் சங்கிலியை சீர்குலைக்கும். மேலும் நாட்டின் பாதுகாப்பு மேலாண்மை அமைப்பின் நம்பகத்தன்மையைக் குறைமதிப்பிற்கு உட்படுத்தும் என்று அமைச்சகம் கூறியதாக பெர்னாமா தெரிவித்துள்ளது.
இது சம்பந்தப்பட்டவர்களின் நிலைமையை மோசமாக்கும். ஆயுதப் படைகளின் நற்பெயருக்கு களங்கம் விளைவிக்கும் அல்லது பொதுமக்களை தவறாக வழிநடத்தும் எந்தவொரு செயலையும் உடனடியாக நிறுத்துமாறு அறிவுறுத்தப்படுகிறார்கள் என்று அமைச்சகம் ஒரு அறிக்கையில் தெரிவித்துள்ளது.
ஆயுதப் படை அதிகாரிகளின் எந்தவொரு நியமனங்களும் பதவி உயர்வுகளும் ஆயுதப் படை கவுன்சிலின் ஆலோசனையின் பேரில் மாமன்னரின் ஒப்புதலுக்கு உட்பட்டவை. எந்தவொரு முன்கூட்டிய அறிவிப்பும் அரச நிறுவனம் மற்றும் இராணுவத் தலைமைக்கு அவமரியாதை செய்யும் செயலாகக் கருதப்படுகிறது என்று அமைச்சகம் தெரிவித்துள்ளது. அரசாங்கத்தின் ரகசியத் தகவல்களைப் பரப்பும் எந்தவொரு தரப்பினரும் அதிகாரப்பூர்வ ரகசியச் சட்டம் மற்றும் பிற சட்டங்களின் கீழ் நடவடிக்கை எடுக்க நேரிடும் என்று அது கூறியது.
