போர்ட்டிக்சன், பத்து 4, ஜாலான் பந்தாய் சாலையில் உள்ள ஒரு ரிசார்ட்டின் நீச்சல் குளத்தில் நேற்று நீரில் மூழ்கியதில் நான்கு வயது சிறுவன் உயிரிழந்தான். இந்தச் சம்பவம் குறித்து போர்ட்டிக்சன் மருத்துவமனையிலிருந்து இரவு 7.26 மணிக்கு காவல்துறைக்குத் தகவல் கிடைத்ததாக போர்ட்டிக்சன் துணை காவல் தலைவர் ருஸ்லான் மாட் கிப் கூறியதாக பெர்னாமா செய்தி வெளியிட்டுள்ளது.
மாலை சுமார் 5.30 மணியளவில், பாதிக்கப்பட்ட சிறுவனும் அவனது மூன்று உடன்பிறப்புகளும் தங்கள் தாயின் மேற்பார்வையில் குளத்தில் நீந்திக் கொண்டிருந்தபோது இந்தச் சம்பவம் நிகழ்ந்ததாக அவர் கூறினார்.பாதிக்கப்பட்ட சிறுவன் குளத்தில் விழுந்ததும், அவனது மூத்த சகோதரன் தாயை எச்சரித்தான். பின்னர், பொதுமக்கள் அவனைக் காப்பாற்றுவதற்காகக் குளத்தில் குதித்தனர். அதன்பிறகு, அவனது தாய் அவனை அவசரமாக மருத்துவமனைக்குக் கொண்டு சென்றார்.
ஜோகூரைச் சேர்ந்த அந்தக் குடும்பம், அந்த ரிசார்ட்டில் உள்ள ஒரு அடுக்குமாடிக் குடியிருப்பில் தங்கியிருந்தது. இரவு 10.31 மணிக்கு சிறுவன் இறந்துவிட்டதாக அறிவிக்கப்பட்டதாகவும், நீரில் மூழ்கியதே மரணத்திற்குக் காரணம் என பிரேதப் பரிசோதனை உறுதிப்படுத்தியதாகவும் ருஸ்லான் கூறினார்.
