கோலாலம்பூர்: ஜாலான் சுல்தான் இஸ்மாயில் சாலையில் குடிநுழைவுத் துறை லோரி சம்பந்தப்பட்ட மோதலில் பலியான ஒரே குடும்பத்தைச் சேர்ந்த மூன்று பேர் அடையாளம் காணப்பட்டுள்ளனர். அவர்கள் 53 வயதான ஷேக் முகமது ஃபிர்தாஸ் ஷேக் யஹ்யா மற்றும் அவரது இரண்டு மகள்களான 25 வயதான சித்தி நூர் சஸ்லின், 12 வயதான சித்தி தர்விஸ்யா அவுனி ஆவர்.
கோலாலம்பூர் போக்குவரத்து விசாரணை மற்றும் அமலாக்கத் துறைத் தலைவர் உதவி ஆணையர் முகமது சம்சுரி முகமது இஸா, அந்தக் குடும்பம் பேராக், கம்பாரைச் சேர்ந்தது என்று கூறினார். விசாரணைக்காக லோரி ஓட்டுநர் ஒரு நாள் காவலில் வைக்கப்பட்டுள்ளார் என்றும் அவர் மேலும் கூறினார். புதன்கிழமை அதிகாலை சுமார் 1 மணியளவில் ஜாலான் சுல்தான் இஸ்மாயில் போக்குவரத்து சிக்னல் சந்திப்பில், அந்தக் குடும்பத்திற்கும் குடிவரவுத் துறை லோரிக்கும் இடையே இந்த விபத்து ஏற்பட்டது.
கோலாலம்பூர் மருத்துவமனையில் பாதிக்கப்பட்டவர்களுக்கு பிரேதப் பரிசோதனைகள் மேற்கொள்ளப்பட்ட பின்னர், இறுதித் தொழுகைக்காக அவர்களின் உடல்கள் இங்குள்ள ஜாலான் பஹாங்கில் இருக்கும் மஸ்ஜித் ஜாமியுல் எஹ்சானுக்குக் கொண்டு செல்லப்படும். அதன்பிறகு, பாதிக்கப்பட்ட மூவரின் உடல்களும் அடக்கம் செய்வதற்காக, கம்பாரில் உள்ள கம்போங் லாபு முஸ்லிம் மயானத்திற்குத் திரும்பக் கொண்டு செல்லப்படும்.
