கோல திரெங்கானு, அக்டோபர் 10 :
மூன்று ஆண்டுகளுக்கு முன்பு, 619.71 கிராம் எடையுள்ள போதைப்பொருள் கடத்தல் குற்றச்சாட்டில் இருந்து, தொழில்நுட்ப வல்லுனர் ஒருவர் விடுதலை செய்யப்பட்டார்.
குற்றம் சாட்டப்பட்ட முகமட் ஃபைஸ் யூசோப், 38, என்பவருக்கு எதிராக நியாயமான சந்தேகங்களை எழுப்புவதில் அரசு தரப்பு தவறியதை அடுத்து, நீதிபதி டத்தோ ஹாசன் அப்துல் கானி இவ்வாறு தீர்ப்பளித்தார்.
குற்றச்சாட்டுகளின்படி, 2019 ஆம் ஆண்டு செப்டம்பர் 1 ஆம் தேதி இரவு 7.30 மணிக்கு, மனீர், கம்போங் பாடாங் மச்சாங்கில் உள்ள ஒரு வீட்டில், 619.71 கிராம் எடையுள்ள மெத்தாம்பெட்டமைன் கடத்தியதாக முகமட் ஃபைஸ் மீது குற்றம் சாட்டப்பட்டது.
ஆபத்தான போதைப்பொருள் சட்டம் 1952 இன் பிரிவு 39B (1)(A) இன் படி குற்றம் சாட்டப்பட்டு, அதே சட்டத்தின் 39B இன் படி தண்டிக்கப்படக்கூடியது, இது குற்றம் நிரூபிக்கப்பட்டால் தூக்கு தண்டனை விதிக்க வழி செய்கிறது.
அரசு தரப்பு வழக்கறிஞர் அஹ்மட் ஃபட்லி மஹ்மூத் வழக்கு தொடுத்தார், குற்றம் சாட்டப்பட்டவர் சார்பில் வழக்கறிஞர்கள் முகமட் ஹயாதுதீன் முகமட் மற்றும் முஹமட் இஷாத் நோரிசாம் ஆகியோர் ஆஜராகினர்.
