பத்து காஜா, ஏப்.18-
மக்கள் நடமாட்ட கூடல் கட்டுப்பாட்டு சட்டம் அமலில் இருக்கும் இக்கால கட்டத்தில் கடந்த வியாழக்கிழமை (ஏப்ரல் 16) கோல்ஃப் விளையாட்டில் ஈடுபட்ட மூவர் பிடிபட்டனர். இம்மூவருக்கும் மூன்று நாட்கள் சிறைத்தண்டனையும், தலா 1,000 வெள்ளி அபராதமும் விதிக்கப்பட்டுள்ளது.
லோ டெக் சான், 68;, டான் சீ கீன், 59; யூஜின் வோங் யாட் ஹோ, 37 என்ற இம்மூவரும் தொற்று நோய்களைத் தடுக்கும் அல்லது கட்டுப்படுத்தும் சட்டத்தின் கீழ் பாதிக்கப்பட்ட உள்ளூர் பகுதிகளுக்குள் விதிமுறைகளை மீறியுள்ளதாக குற்றம் சாட்டப்பட்டது. இவர்கள் இன்று வெள்ளிக்கிழமை (ஏப்ரல் 17) இங்குள்ள பேராக் பத்து காஜா மாஜிஸ்திரேட் நீதிமன்றத்தில் குற்றத்தை ஒப்புக்கொண்டனர்.
தண்டனையை நிறைவேற்றும்போது, மாஜிஸ்திரேட் நஸ்ரதுல் நட்ரா மொஹமட், யூசுப் முன்னணியில் இருப்பவர்களுக்கு இது அவமரியாதையாகும் என்றார்.
சட்டத்தை இலகுவாக எடுத்துக்கொண்டிருப்பதாக அவர் கடிந்தார்.
மூவரும் நன்கு படித்தவர்கள், கிராமப்புறங்களில் உள்ளவர்களை விட சட்டத்தை நன்கு அறிந்திருக்க வேண்டும்.
மூவரையும் பிரதிநிதித்துவப்படுத்திய பர்வீன் சர்மா கிருஷ்ணன், ஆரம்பத்தில் சிறை தண்டனை வேண்டாம் என்று கேட்டிருந்தார்.
.இவர்களை சிறையில் அடைப்பது ஒரு நல்ல தீர்வு அல்ல, இவர்களுக்கு அதிர்ச்சியை ஏற்படுத்தக்கூடும் என்று அவர் கேட்டுக்கொண்டார்.
கோவிட் -19 உடன் போராடும்போது இம்மூவரும் சட்டத்தை மீறியுள்ளனர், அதன்படி இவர்கள் தண்டிக்கப்பட வேண்டும் என்று அரசு வக்கீல் நோர் பைரோஸ் அப்து முத்தலிப் கூறினார்.
மூவரும் கைது செய்யப்பட்ட நாளிலிருந்து சிறையில் அடைக்கப்படுவர். என்று தீர்ப்பளிக்கப்பட்டது
