சீனாவின் வூஹான் மாகாணத்திலிருந்து பரவத்தொடங்கிய கொரோனா வைரஸ் முதலில் வயதானவர்களை அதிகமாக தாக்கியது. தற்போது உருமாற்றமடைந்த கொரோனா வைரஸ் இளம் வயதினரை தாக்குகிறது . பிரிட்டனில் 10 – 19 இளம் வயதினரே கொரோனா வைரஸால் அதிகளவு பாதிக்கப்பட்டுள்ளதாக தகவல் வெளியானது.

இந்நிலையில் கனடாவிலும் 20 – 39 வயதிற்குட்பட்டவர்கள் கொரோனா வைரசால் அதிகளவு பாதிக்கப்பட்டுள்ளனர் என்று கனடாவின் தலைமை பொது சுகாதார அதிகாரி Theresa Tam கூறியுள்ளார்.

இதுகுறித்து Theresa Tam கூறியதாவது, ” கொரோனா வைரஸ் குறிப்பாக இளம் வயதினரிடையே அதிகமாக பரவுகிறது. இதற்கு காரணம் அவர்கள் சரியாக சமூக இடைவெளியை கடைபிடிப்பதே இல்லை. குறிப்பாக SARS-Cov2 வைரஸ் பரவி வருவது மிகப் பெரிய கவலையை ஏற்படுத்தியுள்ளது.

எனவே மக்கள் விழிப்புடன் செயல்படவேண்டும். முன்னெச்சரிக்கை நடவடிக்கைகளை பின்பற்ற வேண்டும். அதன் மூலம் மட்டுமே தொற்று அதிகரிக்காமல் தடுக்க முடியும்” என்று எச்சரித்துள்ளார்.