ஒரு போலீஸ்காரரிடம் சண்டையிட முயன்றதாகக் கூறப்படும் ஆடவர் கைது செய்யப்பட்டார். நேற்று Jalan Lapangan Terbang Subang ரோந்து காரில் இருந்த போலீசார் சந்தேக நபரை அவரது வாகனத்தை நிறுத்த உத்தரவிட்டதாக பெட்டாலிங் ஜெயா OCPD முகமட் ஃபக்ருதீன் அப்துல் ஹமிட் கூறினார்.
அதிகாலை 1.15 மணியளவில் வாகனம் ஓட்டும் போது அவரது கைபேசியைப் பயன்படுத்துவதைக் கண்ட ரோந்து கார் அந்த நபரை நிறுத்த முயன்றது. இருப்பினும், சந்தேக நபர் அதற்கு இணங்க மறுத்துவிட்டார்.KM2.6 இல் அவர் தனது காரை நிறுத்தும் வரை அவர்கள் அவரைப் பின்தொடர்ந்தனர் என்று அவர் திங்கள்கிழமை (நவம்பர் 22) ஒரு அறிக்கையில் தெரிவித்தார்.
சந்தேக நபர் ஆக்ரோஷமாகச் செயல்பட்டு, ஒரு போலீஸ்காரரின் காலரை இழுத்து, அவர்கள் சண்டையிடுவதற்காக அவரது சீருடையை கழற்றுமாறு கேலி செய்தார். சந்தேக நபருக்கு வாகனத் திருட்டு மற்றும் குற்றவியல் மிரட்டல் தொடர்பான குற்றப் பதிவுகள் இருப்பது சோதனையில் தெரியவந்தது. அவர் இரண்டு நாட்கள் விளக்கமறியலில் வைக்கப்பட்டுள்ளார் என்று அவர் கூறினார். சந்தேக நபரிடம் நடத்தப்பட்ட ஆல்கஹால் பரிசோதனையில் அளவு வரம்பிற்குக் குறைவாக இருப்பது தெரியவந்தது.
