ஜெலி, டிசம்பர் 31 :
கிளந்தானில் உள்ள மலேசிய தீயணைப்பு மற்றும் மீட்புத் துறை (ஜேபிபிஎம்) அம்மாநிலத்தில் ஏழு வெள்ளப்பெருக்கு அபாயமுள்ள இடங்களை அடையாளம் கண்டுள்ளது என்று அதன் இயக்குநர் ஜெய்னல் @ ஜைனல் மடாசின் கூறினார்.
அந்தப் பகுதிகளாக குவா முசாங்; லிமாவ் கஸ்தூரி (குவா முசாங்); சுங்கை கோலோக் (ரந்தாவ் பஞ்ஜாங்); மச்சாங்; தானா மேரா; ஜெலி மற்றும் பாசிர் மாஸ்.
“ஒவ்வொரு நாளும் அடையாளம் காணப்பட்ட இடங்களில் ரோந்து மற்றும் கண்காணிப்பை மேற்கொள்ள உறுப்பினர்களை நியமிப்போம், குறிப்பாக ஆற்றின் அருகே உள்ள பகுதிகளில், வெள்ளம் ஏற்பட்டால் நிவாரண மையங்களுக்கு இடம்பெயருமாறு குடியிருப்பாளர்களை எச்சரிக்க நாங்கள் தயாராக இருக்கிறோம்.”
தீயணைப்பு மற்றும் மீட்புத் துறை விமானப் பிரிவு இயக்குநர் எஸ்ஏசி நாசிலி மஹ்மோத் மற்றும் ஜெலி தீயணைப்பு மற்றும் மீட்பு நிலையத் தலைவர் முகமட் அட்னி இப்ராஹிம் ஆகியோருடன் நேற்று கம்போங் லெகேயில் வெள்ளத்தால் பாதிக்கப்பட்ட மக்களைப் பார்வையிட்ட பின்னர் செய்தியாளர்களிடம் அவர் இவ்வாறு கூறினார்.
10க்கும் மேற்பட்ட தீயணைப்பு வீரர்களுடன் சேர்ந்து, கிராமத்தில் வெள்ளத்தால் பாதிக்கப்பட்டவர்களுக்கு அத்தியாவசியப் பொருட்களை வழங்க, கிட்டத்தட்ட ஒரு கிலோமீட்டர் தூரம் வெள்ள நீரில் அலைய வேண்டியிருந்தது என்று முன்னர் ஜைனல் கூறினார்.
மேலும் கருத்து தெரிவித்த அவர், கிளந்தானில் உள்ள நதி நீர் நிலைகள் குறித்த தகவல்களைப் பெறுவதற்கு திணைக்களம் மாநில நீர்ப்பாசன மற்றும் வடிகாலமைப்புத் திணைக்களத்துடன் (டிஐடி) இணைந்து செயல்பட்டு வருவதாகக் கூறினார்.
கிளந்தான் JBPM இல் மொத்தம் 1,245 அதிகாரிகள் மற்றும் பணியாளர்கள் தயார் நிலையில் உள்ளனர்.
