கோல கிராய், ஜனவரி 8 :
இன்று காலை, இங்குள்ள சுங்கை சாம் அருகே ஜாலான் கோத்தா பாரு- குவா மூசாங்கின் 106.1ஆவது கிலோமீட்டரில் பல்நோக்கு வாகனம் (எம்பிவி) மீது கார் மோதியதில் ஒருவர் உயிரிழந்தார், இரண்டு வயது குழந்தை உட்பட 9 பேர் காயமடைந்தனர்.
இந்த விபத்தில், எம்பிவியில் பயணம் செய்த இஷா இஸ்மாயில் (70) என்ற பெண்மணி உயிரிழந்தார் என்று கோல கிராய் மாவட்ட காவல்துறை தலைமைக் கண்காணிப்பாளர் சுசைமி முகமட் தெரிவித்தார்.
விபத்தில் உயிரிழந்தவரை தவிர மேலும் நாசா ரியாவில் எம்பிவியில் பயணம் செய்த மூன்று ஆண்கள் மற்றும் மூன்று பெண்களும் காயமடைந்தனர், அதே நேரத்தில் புரோட்டான் சுப்ரிமாவின் ஓட்டுநர் மற்றும் ஒரு குழந்தை உட்பட இரண்டு பயணிகளுக்கு உடலில் காயங்கள் ஏற்பட்டன.
“இன்று காலை 6.50 மணியளவில், இரண்டு வாகனங்கள் விபத்துக்குள்ளானதாகவும், ஒருவர் சம்பவ இடத்திலேயே உயிரிழந்தார் என்றும் எங்களுக்கு அவசர அழைப்பு வந்தது,
“முதற்கட்ட விசாரணையில், கோத்தா பாருவைச் சேர்ந்த 31 வயது ஓட்டுநர் இயக்கிய புரோட்டான் சுப்ரிமா வகை கார் குவா மூசாங் நோக்கிச் சென்று கொண்டிருந்தது.
“சம்பவ இடத்திற்கு வந்ததும், திடீரென எதிர்திசையில் இருந்து வந்த 48 வயதுடைய நபர் ஓட்டிச் சென்ற பல்நோக்கு வாகனம், மற்றொரு வாகனத்தை முந்திச் செல்ல முயன்றது, ஆனால் அதைச் செய்யத் தவறியதால், சம்பந்தப்பட்ட இரு வாகனங்கள் மோதி விபத்துக்குள்ளானது.
“பல்நோக்கு வாகனத்தில் ஓட்டுநரின் இருக்கைக்கு பின்னால் இருந்த அவரது தாயார் தலையில் ஏற்பட்ட காயங்களால் சம்பவ இடத்திலேயே உயிரிழந்தது உறுதிசெய்யப்பட்டது,” என்று அவர் கூறினார்.
இறந்தவர் மற்றும் காயமடைந்தவர்கள் கோல கிராய் சுல்தான் இஸ்மாயில் பெட்ரா மருத்துவமனைக்கு அனுப்பப்பட்டதாக சுசைமி கூறினார்.
“மேலும் இந்த வழக்கு 1987 சாலை போக்குவரத்து சட்டம் பிரிவு 41 (1) இன் படி விசாரிக்கப்படுகிறது,” என்று அவர் கூறினார்.
