சுகாதார அமைச்சகம் (MOH) GitHub வெளியிட்ட விவரங்களின்படி, நேற்று 115 கோவிட்-19 இறப்புகளைப் பதிவு செய்துள்ளது.
MOH 27,500 கோவிட்-19 தொற்றுகளையும் பதிவுசெய்துள்ளது. அதில் 27,072 உள்ளூர் நோய்த்தொற்றுகள் மற்றும் 428 இறக்குமதி செய்யப்பட்ட தொற்றுகள் அடங்கும்.
மொத்த இறப்புகளில் 36 பாதிக்கப்பட்டவர்கள் மருத்துவமனைக்கு வெளியே இறந்தவர்கள் (BID) என வகைப்படுத்தப்பட்டுள்ளனர். மொத்த இறப்பு எண்ணிக்கை இப்போது 32,942 ஆக உள்ளது.
ஜோகூரில் அதிகபட்சமாக 25 பேர் உயிரிழந்துள்ளனர். அதைத் தொடர்ந்து சபா (24), சிலாங்கூர் (18), கெடா மற்றும் நெகிரி செம்பிலான் (தலா எட்டு), பேராக் (ஏழு), பகாங் மற்றும் கோலாலம்பூர் (தலா ஆறு), கிளந்தான் (நான்கு), பினாங்கு (மூன்று), மலாக்கா மற்றும் பெர்லிஸ் (தலா இரண்டு) மற்றும் சரவாக் மற்றும் தெரெங்கானு (தலா ஒன்று). புத்ராஜெயா மற்றும் லாபுவானில் உயிரிழப்பு எதுவும் ஏற்படவில்லை.
நேற்று நள்ளிரவு நிலவரப்படி, மொத்தம் 321,036 செயலில் உள்ள தொற்றுகள் பதிவாகியுள்ளன. இதில் 360 பேர் தீவிர சிகிச்சைப் பிரிவில் (ICU) இருக்கின்றனர் மற்றும் 194 பேர் சுவாச உதவிகள் தேவைப்படுகிறார்கள்.
குணமடைந்தோர் குறித்து எதுவும் தெரிவிக்கப்படவில்லை. நாட்டில் பதிவுசெய்யப்பட்ட கோவிட்-19 தொற்றுகளின் மொத்த எண்ணிக்கை இப்போது 3,496,090ஐ எட்டியுள்ளது.
