ஏப்ரல் 1 ஆம் தேதி மீண்டும் திறக்கப்படும் நாட்டின் எல்லைகளுக்கு அருகே அதிக போலீஸ் பணியாளர்கள் நிறுத்தப்படுவார்கள் என்று டத்தோ ஹசானி கசாலி கூறுகிறார். எல்லையை மீண்டும் திறப்பதற்கு நாடு தயாராகி வருவதால், கூடுதல் அமலாக்கப் பணியாளர்கள் ஈடுபடுத்தப்படுவார்கள் என்று புக்கிட் அமான் உள் பாதுகாப்பு மற்றும் பொது ஒழுங்கு துறை இயக்குநரான அவர் கூறினார்.
நாங்கள் எப்போதும் தயாராக இருக்கிறோம். ஏனென்றால் அது எங்கள் கடமை. எல்லைகள் மூடப்பட்டபோதும், சில கடத்தல் நடவடிக்கைகள் கண்டறியப்பட்டன என்று அவர் வெள்ளிக்கிழமை (மார்ச் 11) இங்குள்ள மூத்த போலீஸ் அதிகாரிகளின் மெஸ் ஹாலில் செய்தியாளர்களிடம் கூறினார்.
நாங்கள் நிலையான இயக்க நடைமுறைக்காக (மீண்டும் திறப்பதற்கு) காத்திருப்போம். மேலும் எங்களை தயார்படுத்துவோம் என்று அவர் கூறினார். மார்ச் 8 ஆம் தேதி பிரதமர் டத்தோஸ்ரீ இஸ்மாயில் சப்ரி யாகோப், மலேசியா தனது எல்லைகளை ஏப்ரல் 1 ஆம் தேதி அனைத்துலக பயணிகளுக்கு மீண்டும் திறக்கும் என்று அறிவித்தார்.
கடந்த ஆண்டு சட்டவிரோதமாக குடியேறியவர்கள், கடத்தல் பொருட்கள் மற்றும் வனவிலங்குகள் கடத்தல் தொடர்பாக 8,000க்கும் மேற்பட்ட வழக்குகள் பதிவாகியுள்ளதாக ஜனவரி மாதம் ஹசானி தெரிவித்தார். நிலம் மற்றும் கடல் ஆகிய இரண்டிலும் அமலாக்க நடவடிக்கைகள் மேற்கொள்ளப்படும் என்றார்.
எங்கள் குதிரைப் பிரிவை பெர்லிஸ் மற்றும் கிளந்தான் எல்லைகளில் வைக்க நான் ஏற்கனவே உத்தரவிட்டுள்ளேன் என்று அவர் மேலும் கூறினார். தனித்தனியாக, அரச சார்பற்ற நிறுவனங்களை (NGO) ராயல் மலேசியா போலீஸ் (PDRM) அறக்கட்டளையில் சேர வரவேற்பதாக ஹசானி கூறினார்.
வரவிருக்கும் 215ஆவது போலீஸ் தினத்தையொட்டி, ஈப்போ சூப்பர் பைக்கர் கிளப்புடன் சேர்ந்து, தீபகற்ப மலேசியாவில் உள்ள அனைத்து காவல் நிலையங்களையும் நாங்கள் சென்று பார்வையிட்டோம்.
நாங்கள் ஜோகூர், மலாக்கா, பகாங், கிளந்தான், கெடா மற்றும் பேராக் ஆகிய மாநிலங்களுக்கு சென்றோம். (மற்றும்) சிலாங்கூருக்கு நாளை செல்லவிருக்கிறோம் என்று அவர் கூறினார். ஒவ்வொரு மாநிலத்திற்கு நாங்கள் செல்லும் போதும் நோய்வாய்ப்பட்ட காவல்துறை அதிகாரிகளுக்கு நாங்கள் நன்கொடைகளை வழங்கினோம் என்று அவர் மேலும் கூறினார்.
