போதைப்பொருள் கடத்தல் வழக்கில் தொடர்புடையதாக சந்தேகிக்கப்படும் நஷீட் (nasheed) பாடகர் ஒருவர் நேற்று மாலை கோத்தா டாமன்சாரா குடியிருப்பு ஒன்றில் வைத்து கைது செய்யப்பட்டுள்ளார். பெட்டாலிங் ஜெயா மாவட்ட காவல்துறைத் தலைவர் முகமட் ஃபக்ருதீன் அப்துல் ஹமிட் அந்த நபர் கைது செய்யப்பட்டதை பெர்னாமாவுக்கு உறுதிப்படுத்தினார். ஆனால் சந்தேக நபர் பற்றிய கூடுதல் விவரங்களைத் தெரிவிக்கவில்லை.
சந்தேக நபர் கைது செய்யப்பட்டுள்ளார் என்பதை என்னால் உறுதிப்படுத்த முடியும், மேலும் கைது தொடர்பான மேலதிக விபரங்களை வெளியிட போலீசார் விரைவில் செய்தியாளர் சந்திப்பை நடத்துவார்கள் என்று அவர் கூறினார்.
