கோல திரெங்கானு, மே 29 :
இந்தாண்டு பிப்ரவரி 5 முதல் நடைமுறைக்கு வந்த கோழி இறைச்சி மற்றும் முட்டையின் அதிகபட்ச விலைத் திட்டத்திற்கு இணங்கத் தவறியதற்காக, நாடு முழுவதும் உள்ள சில்லறை விற்பனையாளர்கள், மொத்த விற்பனையாளர்கள் மற்றும் கோழி வளர்ப்பாளர்கள் மீது மொத்தம் RM256,800 மதிப்புள்ள அபராதம் விதிக்கப்பட்டது.
உள்நாட்டு வர்த்தகம் மற்றும் நுகர்வோர் விவகாரங்களின் துணை அமைச்சர் டத்தோ ரோசோல் வாஹிட் கூறுகையில், உச்சவரம்பு விலைக்கு மேல் விற்பனை செய்தல், விலைக் குறி வைக்காதது மற்றும் அறிவுறுத்தப்பட்டபடி சிறப்பு விலைக் குறியீட்டை வைக்கத் தவறியது உள்ளிட்ட பல்வேறு குற்றங்களை உள்ளடக்கிய 1,034 வழக்குகள் இதில் அடங்கும்.
அதுமட்டுமின்றி, மொத்தம் RM133,000 மதிப்புள்ள 1,033 வணிகப் பொருட்களும் கைப்பற்றப்பட்டதாக அவர் கூறினார்.
“நேற்று வரை, சில்லறை விற்பனையாளர்கள், மொத்த விற்பனை கடைகள் மற்றும் பண்ணைகளில் உற்பத்தியாளர்கள் உட்பட 66,375 வளாகங்களை நாங்கள் ஆய்வு செய்துள்ளோம்,” என்று அவர் இன்று, KPDNHEP அலுவலகத்தில் நடந்த அய்டில்ஃபித்ரி திறந்த இல்ல உபசரிப்பில் செய்தியாளர்களை சந்தித்தபோது அவர் கூறினார்.
அவர் தொடர்ந்து கூறுகையில், விலைக் குறி காட்டாதது, உச்சவரம்பு விலைக்கு மேல் விற்றது (111 வழக்குகள்) மற்றும் சிறப்பு விலைக் குறியீடு வைக்காதது (882 வழக்குகள்) ஆகிய குற்றங்களுக்காக மொத்தம் 41 வழக்குகள் தொடரப்பட்டன.
பிடிவாதமான வர்த்தகர்களைக் கண்டறியவும், திட்டத்தின் விதிகளை மீறுவதை கண்டறியவும் சில வளாகங்களில் கண்காணிப்பை KPDNHEP அதிகரித்தது.
வரவிருக்கும் ஹரி ராயா ஆடிலாதா சீசனில் கோழி அல்லது கோழி உணவின் விலை உயரும் போக்கை நாங்கள் காண்கிறோம், அதைக் கட்டுப்படுத்த வேண்டும்,” என்றும் அவர் கூறினார்,மேலும் உணவு விநியோகத்தில் எந்த தட்டுப்பாடும் ஏற்படாது என்று உறுதியளித்தார்.
