உலு சிலாங்கூர், ஜூலை 3 :
பெரிங்கின் பள்ளத்தாக்கு அருகே, தெற்கே செல்லும் வடக்கு-தெற்கு நெடுஞ்சாலையின் கிலோமீட்டர் 408.4 இல் இன்று, இரண்டு வாகனங்கள் மோதிய விபத்தில் ஒருவர் உயிரிழந்தார், மேலும் ஆறு பேர் காயமடைந்தனர்.
அதிகாலை 1.10 மணிக்கு நடந்த இந்த சம்பவத்தில், டான் கிம் தியன், 60, என்பவரே சம்பவ இடத்தில் உயிரிழந்ததாக அடையாளம் காணப்பட்டது. மேலும் நான்கு பாகிஸ்தானியர்கள் பலத்த காயமடைந்தனர் மற்றும் இரண்டு உள்ளூர்வாசிகள் லேசான காயமடைந்தனர்.
சிலாங்கூர் தீயணைப்பு மற்றும் மீட்புத் துறையின் துணை இயக்குநரான ஹபிஷாம் முகமட் நூர் கூறுகையில், அதிகாலை 1.12 மணியளவில் இந்த சம்பவம் தொடர்பாக தமது துறைக்கு அழைப்பு வந்தது.
“புக்கிட் செந்தோசா மற்றும் கோலா குபு பாரு தீயணைப்பு மற்றும் மீட்பு நிலையங்களில் இருந்து அவசரகால சேவைகள் நிவாரணப் பிரிவின் இயந்திரங்கள் மற்றும் வேனுடன் எட்டு உறுப்பினர்களைக் கொண்ட குழு ஒன்று சம்பவ இடத்திற்கு விரைந்தது.
“அரிசி ஏற்றிச் சென்ற டிரெய்லரும், வழிகாட்டி பலகை ஏற்றிச் சென்ற 10 டன் எடை கொண்ட லோரியும் விபத்துக்குள்ளானது. டிரெய்லரில் சிக்கிய ஒருவரே உயிரிழந்தார்.
“லோரியில் இருந்த அரிசி மூட்டைக் குவியலுக்கு அடியில் சிக்கியதில் இரண்டு பாகிஸ்தானியர்கள் தலை மற்றும் உடலில் பலத்த காயம் அடைந்தனர், மேலும் இரண்டு பாதிக்கப்பட்டவர்கள் பொதுமக்களால் வெற்றிகரமாக வெளியேற்றப்பட்டனர்,” என்று அவர் இன்று வெளியிட்டுள்ள ஒரு அறிக்கையில் தெரிவித்தார்.
இறந்தவரின் சடலம் போலீசாரிடம் ஒப்படைக்கப்பட்டதாகவும், காயமடைந்தவர் மேலதிக சிகிச்சைக்காக சுங்கை பூலோ மருத்துவமனைக்கு கொண்டு செல்லப்பட்டதாகவும் அவர் மேலும் கூறினார்.
