கோலாலம்பூர்,ஜூலை 21 :
மலேசியக் குடும்பம் விற்பனைத் திட்டம் ஆகஸ்ட் நடுப்பகுதியில் இருந்து நாடு முழுவதும் 639 மாநிலத் தொகுதிகளில் வாரந்தோறும் செயல்படுத்தப்படும் என்று டான்ஸ்ரீ அன்னுவார் மூசா தெரிவித்துள்ளார்.
இதன் மூலம் இந்த ஆண்டு இறுதி வரை 18 வாரங்களுக்கு வாரந்தோறும் குறைந்த விலையில் பொருட்களைப் பெறுவதற்கான வசதியை மக்களுக்கு வழங்கும் என்று தகவல் தொடர்பு மற்றும் மல்டிமீடியா அமைச்சருமான அவர் கூறினார்.
இந்த திட்டம் ஐந்து அமைச்சகங்களை உள்ளடக்கியது மற்றும் உள்நாட்டு வர்த்தக மற்றும் நுகர்வோர் விவகார அமைச்சகத்தின் கீழ் வழிகாட்டுதல்களின் தொகுப்பை அடிப்படையாகக் கொண்டது, ”என்று அவர் இங்கு நாடாளுமன்ற கட்டிடத்தில் நடந்த சிறப்பு பணிக்குழு கூட்டத்திற்கு தலைமை தாங்கிய பின்னர் ஊடக சந்திப்பில் கூறினார்.
சம்பந்தப்பட்ட ஐந்து அமைச்சகங்கள் வழிகாட்டுதல்களின்படி விற்பனைத் திட்டத்தை செயல்படுத்த நடவடிக்கை எடுக்கத் தொடங்கியுள்ளன என்றும், இவை உள்நாட்டு வர்த்தகம் மற்றும் நுகர்வோர் விவகார அமைச்சகத்தால் கண்காணிக்கப்படும் என்றும் அன்னுார் கூறினார்.
விவசாயம் மற்றும் உணவுத் தொழில்கள் அமைச்சகம், தொழில்முனைவோர் மேம்பாடு மற்றும் கூட்டுறவு அமைச்சகம், ஊரக வளர்ச்சி அமைச்சகம் மற்றும் மத்திய பிரதேசங்கள் அமைச்சகம் ஆகியவை இத்திட்டத்துடன் சம்பந்தப்பட்ட மற்றய அமைச்சகங்கள் ஆகும்.
மேலும் இந்த மலேசிய குடும்ப விற்பனையில், கோழி, சர்க்கரை, சமையல் எண்ணெய், மாவு, அரிசி போன்ற விலைக் கட்டுப்பாட்டுத் திட்டத்தின் கீழ் உள்ள அத்தியாவசியப் பொருட்களை, சந்தை விலையை விட குறைந்த விலையில் விற்க கூட்டுறவு இயக்கத்தின் ஈடுபாடு குறித்து கூட்டுறவு ஆணையம் முன்மொழிந்துள்ளது குறிப்பிடத்தக்கது.
