கூச்சிங், ஆகஸ்ட் 23 :
ஜாலான் சிபு-சிலாங்காவ், பத்து 36 இல் உள்ள ரூமா பஞ்சாங் (நீண்ட வீடு) யாமின் குடியிருப்பாளர்களின் வீடுகள் இன்று காலை ஏற்பட்ட தீ விபத்தில் எரிந்து நாசமாயின.
மலேசிய தீயணைப்பு மற்றும் மீட்புத் துறையின் சரவாக் மாநில செயல்பாட்டு மையத்தின் (பிஜிஓ) செய்தித் தொடர்பாளர் கூறுகையில், சம்பவம் தொடர்பாக காலை 6.58 மணிக்கு தங்களுக்கு அழைப்பு வந்ததாகக் கூறினார்.
சுங்கை மேரா தீயணைப்பு மற்றும் மீட்பு நிலையத்தைச் சேர்ந்த 11 உறுப்பினர்களின் உதவியோடு, சிலாங்காவ் தீயணைப்பு மற்றும் மீட்பு நிலையத்திலிருந்து (BBP) 6 உறுப்பினர்கள் அழைப்பைப் பெற்ற உடனேயே அந்த இடத்திற்கு அனுப்பப்பட்டனர்.
“சம்பவ இடத்திற்கு வந்தபோது, 36 கதவுகளைக் கொண்ட ஒரு ரூமா பஞ்சாங் குடியிருப்பு தீயில் எரிந்துகொண்டிருந்தது கண்டறியப்பட்டது.”
இதுகுறித்து அவர் இன்று வெளியிட்டுள்ள அறிக்கையில், “தற்போது தீயை அணைக்கும் மற்றும் சீரமைப்புப் பணிகள் தொடர்ந்து நடைபெற்று வருகின்றன.
அந்த அறிக்கையின்படி, தீ விபத்துக்கான காரணம், பாதிக்கப்பட்டுள்ள குடியிருப்பாளர்கள் தொடர்பான சரியான எண்ணிக்கை இன்னும் கண்டுபிடிக்கப்படவில்லை என்றும் அது தொடர்பில் மேலதிக விசாரணைகள் மேற்கொள்ளப்பட்டு வருகின்றன என்றும் அவர் மேலும் கூறினார்.
