பிந்துலுவிலுள்ள தொழிலாளர் குடியிருப்பில் ஏற்பட்ட தீ விபத்தில் இந்தோனேசிய பெண் உயிரிழந்தார்

சிபு, செப்டம்பர் 10 :

இங்கிருந்து சுமார் 200 கிலோமீட்டர் தொலைவில் உள்ள பிந்துலுவின் ஜாலான் கெமெனாவில் உள்ள ஒரு பிளைவூட் தொழிற்சாலையின் தொழிலாளர் குடியிருப்பில் உள்ள அவரது அறையில் இன்று அதிகாலை தீப்பிடித்ததில் இந்தோனேசியப் பெண் உடல் கருகி உயிரிழந்தார்.

சரவாக் செயல்பாட்டு மையத்தின் செய்தித் தொடர்பாளர் கூறுகையில், சம்பவத்தின் போது, 24 வயதுடைய பெண் மட்டும் அந்த அறையில் இருந்தார், அவரது அறையில் தங்கும் மற்றைய இரண்டு நண்பர்கள் வேலை செய்து கொண்டிருந்தனர் என்றார்.

அதிகாலை 2.59 மணிக்கு சம்பவம் தொடர்பில் அவசர அழைப்பு வந்தவுடன், பிந்துலு தீயணைப்பு மற்றும் மீட்பு நிலையத்தில் இருந்து 11 தீயணைப்பு வீரர்கள் மற்றும் தீயணைப்பு இயந்திரம் என்பன சம்பவ இடத்திற்கு விரைந்ததாக அவர் கூறினார்.

“இந்த தீ விபத்தில் அறை எண் ஐந்தாவது (ஏழு அறைகளில்) மட்டுமே எரிந்தது, அது முற்றிலும் அழிக்கப்பட்டது. அதிகாலை 3.20 மணிக்கு தீயணைப்பு வீரர்கள் தீயை கட்டுக்குள் கொண்டு வந்ததால், அதிகாலை 5.30 மணிக்கு நடவடிக்கை முடிவுக்கு வந்தது” என்று அவர் இன்று வெளியிட்டுள்ள ஒரு அறிக்கையில் தெரிவித்துள்ளார்.

தீ ஏற்பட்டது மற்றும் இழப்புக்கான காரணம் குறித்து விசாரணை நடைபெற்று வரும் நிலையில், உயிரிழந்தவரின் சடலம் மேலதிக நடவடிக்கைகளுக்காக போலீசாரிடம் ஒப்படைக்கப்பட்டுள்ளதாக அவர் மேலும் தெரிவித்தார்.

LEAVE A REPLY

Please enter your comment!
Please enter your name here