கோத்தா பாரு, அக்டோபர் 1:
நேற்று, இங்குள்ள கஹாயா புலான் கடற்கரையில் போலீசார் மேற்கொண்ட தெரு குண்டர்களுக்கு எதிரான நடவடிக்கையில், மோட்டார் சைக்கிளில் சாகசம் செய்த 16 வயதுடைய மூன்று வாலிபர்கள் கைது செய்யப்பட்டனர்.
கோத்தா பாரு மாவட்ட காவல்துறைத் தலைவர், துணை ஆணையர் முகமட் ரோஸ்டி தாவூட் கூறுகையில், மாலை 6.30 மணியளவில் இரண்டு இளைஞர்கள் மற்றும் ஒரு பயணி ஆகியோர் ஓட்டிச் சென்ற இரண்டு மோட்டார் சைக்கிள்களின் முன் டயரை (வீலிங்) தூக்கியது கண்டுபிடிக்கப்பட்டது.
அவர்கள் மோட்டார் சைக்கிளை நிறுத்தியவுடன், விசாரணைக்காக அம்மூன்று வாலிபர்களும் தடுத்து வைக்கப்பட்டனர், அதே நேரத்தில் அவர்கள் பயன்படுத்திய மோட்டார் சைக்கிள்கள் பறிமுதல் செய்யப்பட்டது,” என்று அவர் இன்று வெளியிட்ட ஒரு அறிக்கையில் தெரிவித்தார்.
சாலைப் போக்குவரத்துச் சட்டம் 1987 இன் பிரிவு 42 (1) இன் படி சம்பந்தப்பட்ட மூன்று இளைஞர்கள் விசாரிக்கப்பட்டனர், அதே நேரத்தில் இந்த நடவடிக்கையில் மோட்டார் சைக்கிள் ஓட்டுபவர்களுக்கு எதிரான பல்வேறு குற்றங்களுக்காக மொத்தம் எட்டு சம்மன்கள் விதிக்கப்பட்டன.
