கிரிஞ்சி எல்ஆர்டி நிலையம் வழியாக செல்லும் அனைத்து ரயில் சேவைகளும் சீரமைக்கப்பட்டுவிட்டன. மின்னல் தாக்குதலால் மேடை ஊடுருவல் அவசர நிறுத்தத்தின் (PLATFORM INTRUSION EMERGENCY STOP) சேதமடைந்த பாகத்தில் பழுதுபார்க்கும் பணிகள் முடிவடைந்த பின்னர், வழக்கம் போல இரு திசைகளிலும் ரயில்கள் இயங்குவதாக Rapid KL தெரிவித்துள்ளது.
நேற்று மாலை 5.46 மணியளவில் கிளானா ஜெயா LRT பாதையில் மின்னல் தாக்கி இடையூறு ஏற்பட்டதால் பயண அட்டவணையில் தாமதம் உண்டானது. இதனைத் தொடர்ந்து பல ரயில் நிலையங்களில் கூட்ட நெரிசல் ஏற்பட்டது.
