ஜார்ஜ் டவுன்:
ஜெலுத்தோங்கில் உள்ள ஒரு கடையில் கொள்ளையடிக்கப்பட்ட சம்பவத்தில், ஒரு வயதான பெண்மணி ஒரு மழுங்கிய பொருளால் தாக்கப்பட்டதால் முகம் மற்றும் கண்களில் பலத்த காயம் அடைந்தார்.
கடந்த டிசம்பர் 24 அன்று மாலை 4 மணியளவில் நடந்த சம்பவத்தில், பாதிக்கப்பட்ட 50 வயதுடைய பெண்மணி கடையில் தனியாக இருக்கும்போது, 50 வயதுடைய சந்தேக நபர் அவரை அணுகினார்.
“சந்தேக நபர் முதலில் பாதிக்கப்பட்டவரின் கணவரை சந்திக்க விரும்புவதாக கூறினார். பின்னர் அவரது கணவர் கடையில் இல்லை என்று தெரிவிக்கப்பட்டதும், சந்தேக நபர் பாதிக்கப்பட்டவரைத் தாக்கி, பாதிக்கப்பட்டவரின் முகத்தில் பலத்த காயத்தை ஏற்படுத்தி, RM2,000-தை கொள்ளையடித்தார்,” என்று
வடகிழக்கு மாவட்ட காவல்துறை பதில் தலைவர், V. சரவணன் தெரிவித்தார்.
கொள்ளையின்போது சந்தேக நபர் பாதிக்கப்பட்டவரின் முகத்தில் மழுங்கிய பொருளால் தாக்கியதில், அவர் பலத்த காயம் ஏற்பட்டு, இப்போது வரை, பாதிக்கப்பட்டவர் இன்னும் பினாங்கு மருத்துவமனையின் தீவிர சிகிச்சைப் பிரிவில் (ICU), சிகிச்சை பெற்று வருகிறார்.
கொள்ளையினால் பாதிக்கப்பட்டவர் RM2,000 இழந்தார் என்றும், பாதிக்கப்பட்டவரின் வாக்குமூலத்தை காவல்துறை இன்னும் எடுக்க முடியவில்லை, ஏனெனில் அவர் இன்னும் ICU வில் சிகிச்சை பெற்று வருகிறார் என்றும், அவர் கூறினார்.
இந்தச் சம்பவத்தைத் தொடர்ந்து, 50 வயதுடைய சந்தேக நபர் டிசம்பர் 25 அன்று திருட்டு மற்றும் பாதிக்கப்பட்டவருக்கு காயம் ஏற்படுத்தியதாக சந்தேகத்தின் பேரில் கைது செய்யப்பட்டார் என்றும் தற்போது, காயத்தை ஏற்படுத்தும் கொள்ளைச் சம்பவத்திற்காக குற்றவியல் சட்டத்தின் 394 வது பிரிவின் கீழ் போலீசார் மேலதிக விசாரணையை நடத்தி வருவதாக சரவணன் மேலும் கூறினார்.
“குறித்த கடையில் கண்காணிப்பு கேமரா (CCTV) இல்லை என்றும் இந்த சம்பவம் தொடர்பில் தகவல் தெரிந்தவர்கள் அல்லது நேரில் கண்டவர்கள் விசாரணைக்கு உதவ முன்வருமாறு நாங்கள் கேட்டுக்கொள்கிறோம்,” என்று அவர் கூறினார்.
