கோத்தா கினாபாலு: தவாவ் கொலை விசாரணையில் நான்கு மூத்த அதிகாரிகள் உட்பட 8 போலீசார் தடுத்து வைக்கப்பட்டுள்ளதாக சபா போலீஸ் தலைமையகம் (IPK) உறுதி செய்தது. சபா போலீஸ் கமிஷனர் டத்தோ இட்ரிஸ் அப்துல்லா, இந்த வழக்கு தொடர்பான விசாரணைக்கு உதவுவதற்காக கைது செய்யப்பட்டதாக கூறினார்.
விசாரணைக்கு உதவுவதற்காக கைது செய்யப்பட்ட அனைவரும் ஏழு நாட்கள் விளக்கமறியலில் வைக்கப்பட்டுள்ளனர் என்று அவர் இன்று வெளியிட்டுள்ள ஊடக அறிக்கையில் தெரிவித்துள்ளார்.
இந்த வழக்கு தொடர்பாக புக்கிட் அமானிடம் இருந்து ராயல் மலேசியன் போலீஸ் (PDRM) சிறப்பு புலனாய்வுக் குழுவை நிறுவியுள்ளதாக இட்ரிஸ் கூறினார். அதே நேரத்தில், விசாரணையில் குறுக்கீடு வரும் என்று அஞ்சுவதால், எந்த அறிக்கையும் இன்னும் தாமதமாகிவிட்டது என்று அவர் கூறினார். இந்த வழக்கு மிகவும் தனிப்பட்ட இயல்புடையது என்பதால், பாதுகாப்பு பிரச்சினைகள் தொடர்பான எந்த ஊகங்களையும் செய்திட வேண்டாம் என்று ஊடகங்கள் கேட்டுக் கொள்ளப்படுகின்றன.
இதுவரை, இந்த வழக்கு இன்னும் விசாரணையில் உள்ளது. விசாரணை முடிந்ததும் மேலும் செய்தியாளர் சந்திப்பு நடத்தப்படும் என்று அவர் கூறினார்.
முன்னதாக, ஜனவரி 16 ஆம் தேதி, தவாவில் உள்ள புதர் பகுதியில் ஆடவர் ஒருவரின் சடலம் கண்டுபிடிக்கப்பட்டதுழ் அவர் கொல்லப்பட்டதாக நம்பப்படுகிறது. பலியானவரின் உடலுக்கு அருகில் ஒரு வெள்ளை பெரோடுவா மைவியும் கண்டுபிடிக்கப்பட்டது. குற்றவியல் சட்டம் பிரிவு 302இன் கீழ் கொலைக்கான வழக்கு விசாரணை நடைபெற்று வருகிறது.
