தேசிய இருதய கழகமான (IJN) பரிசோதனைக்கு இன்று காலை சென்றதாக பிரதமர் அன்வார் இப்ராஹிம் கூறினார், பின்னர் மருத்துவர்கள் அவருக்கு மருத்துவ அறிவுரைகளை வழங்கினர்.
அதைத் தொடர்ந்து, சில விஷயங்களைக் கவனிப்பதற்காக அவர் தனது அலுவலகத்திற்குச் சென்றதாக முகஎஊலில் ஒரு சுருக்கமான பதிவில் தெரிவிக்கப்பட்டுள்ளது.
அவர் தனது அலுவலகத்தில் பொருளாதாரம் மற்றும் நிதி தொடர்பான மூத்த ஆலோசகர் நூருல் இஷா மற்றும் அவரது மூத்த அரசியல் செயலாளர் ஷம்சுல் இஸ்கந்தர் அகின் ஆகியோருடன் இருக்கும் படத்தையும் இணைத்தார்.
முன்னதாக, மனிதவளத்துறை அமைச்சர் வ.சிவக்குமார், அன்வார் உடல்நிலை சரியில்லாததால் பத்து மலை தைப்பூச விழாவைத் தவறவிட வேண்டும் என்று கூறினார். இருப்பினும், அன்வாரின் உடல்நலப் பிரச்சினையின் தன்மை குறித்து அமைச்சர் விரிவாகக் கூறவில்லை.
நாடு முழுவதும் தைப்பூசக் கொண்டாட்டங்களில் ஈடுபட்டுள்ள கோயில் நிர்வாக பிரதிநிதிகளை பிரதமர் இன்னும் சந்திக்க விரும்புவதாக அவர் கூறினார். இந்த கூட்டம் அடுத்த வாரம் அல்லது இரண்டு வாரங்களுக்குள் நடைபெறும் என்றும் அவர் கூறினார்.
