பெட்டாலிங் ஜெயா: ஆரா டாமன்சாராவில் குடியிருப்பு பகுதி மற்றும் ஹைப்பர் மார்க்கெட் அருகே சண்டையிட்ட மூன்று பதின்ம வயதினர் கைது செய்யப்பட்டுள்ளனர்.
வெள்ளிக்கிழமை (பிப்ரவரி 17) இரவு 11.46 மணிக்கு நடந்த சம்பவங்கள் குறித்து போலீஸ் புகார் அளிக்கப்பட்டதாக பெட்டாலிங் ஜெயா OCPD உதவி ஆணையர் முகமட் ஃபக்ருதீன் அப்துல் ஹமீட் தெரிவித்தார்.
ஞாயிற்றுக்கிழமை (பிப்ரவரி 19) தொடர்பு கொண்டபோது, இரண்டு சம்பவங்களும் இரு குழுக்களுக்கிடையில் கிண்டல் மற்றும் அவமதிப்பு காரணமாக நிகழ்ந்ததாக நாங்கள் நம்புகிறோம் என்று அவர் கூறினார்.
சனிக்கிழமை (பிப்ரவரி 18) அதிகாலை 1.10 மணியளவில் 14 முதல் 16 வயதுடைய மூன்று இளைஞர்கள் கைது செய்யப்பட்டதாக ஏசிபி முகமது ஃபக்ருதீன் தெரிவித்தார். மூன்று சிறுவர்களும் செவ்வாய்க்கிழமை (பிப்ரவரி 21) வரை விளக்கமறியலில் வைக்கப்பட்டுள்ளனர்.
ஆயுதங்கள் இல்லாமல் கலவரத்தில் ஈடுபட்டதற்காக தண்டனைச் சட்டம் 147ஆவது பிரிவின் கீழ் விசாரணை நடத்தி வருகிறோம் என்றார் அவர். மேலும், பொதுமக்கள் சட்டத்தை மதித்து நடக்க வேண்டும் என்றும் அவர் வலியுறுத்தினார்.
ஏதேனும் குற்றச் செயல்கள் குறித்த தகவல் தெரிந்தவர்கள் பெட்டாலிங் ஜெயா மாவட்ட காவல்துறை தலைமையகத்தை 03-7966 2222 என்ற எண்ணில் தொடர்பு கொள்ளுமாறு கேட்டுக்கொள்ளப்படுவதாக அவர் கூறினார்.
