கார் மோதி மூத்த குடிமகன் உயிரிழந்த சம்பவம் குறித்து போலீசார் விசாரணை நடத்தி வருகின்றனர். இந்த விபத்து வியாழக்கிழமை (மார்ச் 16) நள்ளிரவு 12.10 மணியளவில் நிகழ்ந்ததாக பெட்டாலிங் ஜெயா OCPD உதவி ஆணையர் முகமட் ஃபக்ருதீன் அப்துல் ஹமீத் தெரிவித்தார்.
Heineken தொழிற்சாலைக்கு அருகே ஜாலான் கிள்ளான் லாமாவில் இந்த சம்பவம் நடந்ததாக முதற்கட்ட விசாரணையில் தெரியவந்துள்ளது. பிக்கப் டிரக்கின் ஓட்டுநரான பாதிக்கப்பட்டவர், தனது வாகனத்தின் கட்டுப்பாட்டை இழந்து சாலையோரத்தில் உள்ள விளக்கு கம்பத்தில் மோதியுள்ளார்.
66 வயதான ஓட்டுநர் மருத்துவமனையில் சிகிச்சை பெற்று வந்த நிலையில் உயிரிழந்துள்ளார். மரணத்திற்கான காரணத்தை அறிய பிரேத பரிசோதனை நடத்தப்படும்.
சம்பவம் தொடர்பில் தகவல் அறிந்தவர்கள் போக்குவரத்து புலனாய்வு அதிகாரி இன்ஸ்பெக்டர் நாவலன் ரவீந்திரனை 014-2536820 என்ற தொலைபேசி இலக்கத்திற்கு தொடர்பு கொள்ளுமாறு கேட்டுக்கொள்ளப்படுகிறார்கள்.
