ரமலானின் முதல் நாளான இன்று, சிரம்பானிலுள்ள தாமான் பரோய் ஜெயாவில் அவர்கள் வசித்து வந்த வீடு இன்று நண்பகல் ஏற்பட்ட தீயில் எரிந்து நாசமானது.
பாதிக்கப்பட்ட 62 வயதான நோர்ஹாஷிமா ஹாஷிம் கூறுகையில், “சம்பவம் நடந்தபோது, நான் ரெண்டாங் சமைத்து முடித்துவிட்டு அறையில் தொலைக்காட்சி பார்த்துக் கொண்டிருந்தேன். அதன் பிறகு எனக்கு தீ வாசனை வந்தது, ஒரு நொடியில் சமையலறையின் பின்புறத்தில் இருந்து ஒரு வெடிப்பு ஏற்பட்டது, மேலும் தீ வீட்டின் திரைச்சீலைகளைப் பற்றிக் கொண்டது.
“எனது மகனுக்குச் சொந்தமான இரண்டு கார்களை அகற்ற அயலவர்கள் உதவினர், நான் உடனடியாக வீட்டுக்கு வெளியே வந்தேன். இருப்பினும், ஒரு Yamahaலெஜண்ட் மோட்டார் சைக்கிளை காப்பாற்ற முடியவில்லை”என்றார்.
சம்பவம் நடந்தபோது தனது கணவர் அஸர் தொழுகையை நிறைவேற்ற பள்ளிவாசலுக்குச் சென்றதாக அவர் மேலும் தெரிவித்தார்.
“இது எனக்கு மிகவும் வருத்தமாக இருக்கிறது, ஏனென்றால் என்னால் மற்ற பொருட்கள் ஒன்னரையும் பாதுகாக்க முடியவில்லை. குடும்பத்திற்கு நோன்பு திறக்கும் வகையில் உணவு சமைப்பதற்காக ரம்லானின் முதல் நாளான இன்று தான் வேலையிலிருந்து விடுமுறை எடுத்தேன்,” என்று அவர் கூறினார்.
இதற்கிடையில், சிரமபான் தீயணைப்பு நிலையத் தலைவர் முகமட் இட்ரிஸ் கூறுகையில், இந்தச் சம்பவத்தில் பெர்சியாரான் ராஜாவாலி, தாமான் பரோய் ஜெயாவில் உள்ள இரண்டு மாடி வீடு 80 சதவீதம் எரிந்துள்ளது.
“தீ விபத்துக்கான காரணம் மற்றும் இழப்பு இன்னும் விசாரணையில் உள்ளது,” என்று அவர் கூறினார்.
