பினாங்கில் இருந்து சிங்கப்பூர் நோக்கிச் செல்லும் பயணிகள் கப்பலில் பயணித்தபோது, திடீரென பக்கவாதத்தால் பாதிக்கப்பட்ட 66 வயது மூதாட்டி ஒருவரை, மலேசிய கடல்சார் அமலாக்க அதிகாரிகள் பாதுகாப்பாக மீட்டனர்.
ஜோகூர் பாருவில் உள்ள கடல்சார் மீட்பு துணை மையத்திலிருந்து கிடைத்த அவசரநிலை தகவலை தாம் பெற்றதையடுத்து, உடனடியாக மருத்துவ உறுப்பினர்கள் கொண்ட கடல்சார் அமலாக்க துறையின் ஒரு குழு அனுப்பப்பட்டதாக MMEA மலாக்கா மற்றும் நெகிரி செம்பிலான் கடல்சார் அமலாக்கத்துறை இயக்குனர், கேப்டன் இஸ்கந்தர் இஷாக் கூறினார்.
“தகவல் கிடைத்தபோது தமது ரோந்துப்படை போர்ட்டிக்சனுக்கு தென்மேற்கே 3.8 கடல் மைல் தொலைவில் இருந்தது என்றும், உடனே சமோசாவை இடத்துக்கு சென்ற அவர்கள் ” என்று கேப்டன் இஸ்கந்தர் கூறினார்.
பலவீனமாக காணப்பட்ட பயணியை மீட்டு, அவருக்கு அவசர மருத்துவ சிகிச்சை தேவைப்பட்டதால், உடனே அந்தப் பெண் படகில் மாற்றப்பட்டு, இங்குள்ள கடல் துறை ஜெட்டிக்கு கொண்டுவரப்பட்டார்.
“நேற்று இரவு 10 மணியளவில் அவர்கள் ஜெட்டியை அடைந்தனர், மேலும் அந்த பெண் போர்ட்டிக்சன் மருத்துவமனைக்கு சிகிச்சைக்காகே கொண்டு செல்லப்பட்டார்,” என்று அவர் கூறினார்.
கடலில் ஏற்படும் ஏதாவது அவசரநிலையைப் புகாரளிக்க 06-3876730 என்ற எண்ணில் MMEA அல்லது 24 மணி நேரமும் செயல்படும் MERS999 லைன் மூலம் எவரும் தொடர்பு கொள்ளலாம் என்று கேப்டன் இஸ்கந்தர் கூறினார்.
