குவா மூசாங்கில் கடந்த மாதம் கவனக்குறைவாக வாகனம் ஓட்டி, 15 பேரை விபத்துக்குள்ளாக்கிய குற்றத்திற்காக முதியவர் ஒருவருக்கு மாவட்ட நீதிமன்றம் RM7,000 அபராதம் விதித்தது.
நீதிபதி துவான் தெங்கு ஷஹ்ரிஷாம் துவான் லாஹ் முன்னிலையில், அவருக்கு எதிரான குற்றச்சாட்டுகள் வாசிக்கப்பட்ட பின்னர், குற்றம் சாட்டப்பட்ட, U ஹூசிம் உவான் ஹருன், 66, தனது குற்றத்தை ஒப்புக்கொண்டார்.
எனவே அவருக்கு நீதிமன்றம் 7,000 ரிங்கிட் அபராதம் விதித்தது மற்றும் அவர் அபராதத்தைச் செலுத்த தவறினால் ஏழு மாதச் சிறைத்தண்டனையும் விதிக்கப்பட்டது, மேலும் குற்றம் சாட்டப்பட்டவரின் ஓட்டுநர் உரிமத்தை தற்காலிகமாக ரத்துச் செய்யவும் நீதிமன்றம் உத்தரவிட்டது.
குற்றச்சாட்டின்படி, ஏப்ரல் 10, மதியம் 2 மணி, குவா மூசாங் மாவட்ட காவல்துறை தலைமையகத்தின் (IPD) முன்னாலுள்ள மூன்று சந்திப்பில், மற்ற சாலைப் பயனர்களுக்கு ஆபத்து ஏற்படும் வகையில் கவனக்குறைவாக அல்லது நியாயமான கவனமின்றி வாகனம் ஓட்டியதாக அந்த நபர் மீது குற்றம் சாட்டப்பட்டது.
இவ்விபத்தில் ஐந்து வாகனங்கள் மோதியதில், மொத்தம் 15 மாணவர்கள் காயமடைந்தனர் என்பது குறிப்பிடத்தக்கது.
