ஜார்ஜ்டவுனுலுள்ள ஒரு இணைய சூதாட்ட மோசடி மையம் நாள் ஒன்றிற்கு சுமார் RM100,000 வசூலித்தது என்றால் நம்மால் நம்பமுடிகிறதா?. ஆனால் அதுதான் உண்மை. குறித்த மையம் ஆரம்பித்த முதல் மாதத்தில் மட்டும் சுமார் RM3 மில்லியன் சம்பாதித்தது.
பொதுமக்கள் அளித்த தகவலின் பேரில் பினாங்கு தீவு முழுதும் போலீசார் மேற்கொண்ட சோதனையில் 20 மற்றும் 30 வயதுடைய ஏழு உறுப்பினர்கள் கைது செய்யப்பட்டனர்.
குறித்த கும்பலிடமிருந்து ஐந்து கார்கள், நான்கு மோட்டார் சைக்கிள்கள், 34 கைபேசிகள், ஐந்து வீட்டு அணுகல் அட்டைகள், ஐந்து மத்திய செயலாக்க அலகுகள், 10 மானிட்டர்கள் மற்றும் RM15,200 ரொக்கம் உட்பட இதர பொருட்கள் என்பன கைப்பற்றப்பட்டதாக, புதிதாக நியமிக்கப்பட்ட பினாங்கு காவல்துறைத் தலைவர், ஆணையர் டத்தோ காவ் கோக் சின் கூறினார்.
“ஆன்லைன் சூதாட்டத்திற்கு பயன்படுத்தப்பட்டதாக நம்பப்படும் பல்வேறு மின்னணு சாதனங்களை நாங்கள் கைப்பற்றினோம். ஆரம்ப விசாரணையில், முதலில் கைது செய்யப்பட்ட ஒரு பெண் உட்பட ஐந்து உறுப்பினர்களும் ஒரு மாதத்திற்கு RM1,600 முதல் RM2,000 வரை ஊதியம் பெற்றுள்ளனர்.
ஆறாவது சந்தேக நபர், சனிக்கிழமை பட்டர்வொர்த்தில் தடுத்து வைக்கப்பட்டதாகவும், ஏழாவது சந்தேக நபரும் ஞாயிற்றுக்கிழமை பிறையில் கைது செய்யப்பட்டதாகவும் காவ் கூறினார்.
“இருவரும் ஆன்லைன் சூதாட்ட சிண்டிகேட்டை நடத்துவதாக நம்பப்படுகிறது.
“இந்தக் கும்பல் உள்ளூர் வாடிக்கையாளர்களையும் அண்டை நாடுகளைச் சேர்ந்தவர்களையும் குறிவைத்து வருவதாக காம் காவ் கூறினார்.
மேலும் “பல்வேறு இணையச் சூதாட்ட கேம்களை விளம்பரப்படுத்த மொபைல் பயன்பாடுகளைப் பயன்படுத்துவதே அவர்களின் செயல்பாடாகும். அவர்களின் பரிவர்த்தனைகள் உள்ளூர் மற்றும் வெளிநாட்டு வங்கிக் கணக்குகளை உள்ளடக்கியது,” என்று அவர் கூறினார்.
ஏழு சந்தேக நபர்களில் இருவர் சூதாட்டம் தொடர்பான முந்தைய பதிவுகளை கொண்டிருப்பதாகவும் காவ் கூறினார்.
