லஹாட் டத்தோ ஃபஜாரில் உள்ள குப்பைக் கிடங்கில் நேற்று இரவு புதிதாகப் பிறந்த ஆண் குழந்தையின் சடலம் கண்டெடுக்கப்பட்டது.
லஹாட் டத்து மாவட்ட காவல்துறை தலைமை உதவி ஆணையர் டாக்டர் ரோஹன் ஷா அஹ்மட் கூறுகையில், சாம்பல் நிற சட்டையில் சுற்றப்பட்ட நிலையில் குழந்தையின் உடலை இரவு 11.30 மணியளவில் அந்த பகுதியில் குப்பைகளை சேகரித்து கொண்டிருந்த 44 வயது டிரக் டிரைவர் ஒருவர் கண்டெடுத்தார்.
அவர் குழந்தையின் உடலை ஒரு பெண்ணின் சட்டையால் சுற்றப்பட்டு குப்பைக் குவியல் மீது போடப்பட்டுள்ளது என்று அவர் இன்று கூறினார். விசாரணைகளை மேற்கொள்வதற்காக பொலிஸ் குழுவொன்று நியமிக்கப்பட்டுள்ளதாக அவர் மேலும் தெரிவித்தார்
குழந்தையின் உடல் பிரேத பரிசோதனைக்காக லஹாட் டத்து மருத்துவமனைக்கு கொண்டு செல்லப்பட்டுள்ளன. உடலை ரகசியமாக அப்புறப்படுத்தி பிறப்பை மறைத்ததற்காக குற்றவியல் சட்டம் பிரிவு 318 இன் கீழ் வழக்கு விசாரிக்கப்படுகிறது என்று அவர் கூறினார்.
இந்த வழக்கில் சந்தேக நபரை அடையாளம் காணும் பணியில் பொலிசார் தற்போது ஈடுபட்டுள்ளதாக ரோஹன் ஷா மேலும் தெரிவித்தார். தகவல் உள்ள பொதுமக்கள் லாஹாட் டத்து மாவட்ட காவல்துறையின் ஹாட்லைன் 089-881255 அல்லது விசாரணை அதிகாரி சோஃபி தாமஸ் கசாவ், 013-9392505 என்ற எண்ணில் நேரடியாக தொடர்பு கொள்ளலாம் என்று அவர் கூறினார்.
