கிள்ளான்: விமான விபத்தில் உயிரிழந்தவர்களின் உறவினர்களுக்கு உதவி வழங்கப்படும் என பிரதமர் டத்தோஸ்ரீ அன்வார் இப்ராஹிம் தெரிவித்துள்ளார். உயிரிழந்தவர்களின் உடல்களை நிர்வகிப்பதும் இதில் அடங்கும் என்றார். தெங்கு அம்புவான் ரஹிமா மருத்துவமனையில் (HTAR) செய்தியாளர்களை சந்தித்தபோது அன்வார் இவ்வாறு கூறினார்.
உயிரிழந்தவர்களின் குடும்பத்தினர் மற்றும் உறவினர்களை அவர் பார்வையிட்டார். அவர்கள் வெள்ளிக்கிழமை (ஆகஸ்ட் 18) மருத்துவமனையின் தடயவியல் பிரிவில் பிரேத பரிசோதனை மற்றும் அடையாளம் காணும் செயல்முறைக்காக காத்திருந்தனர்.
துணைப் பிரதமர் டத்தோஸ்ரீ டாக்டர் அஹ்மட் ஜாஹிட் ஹமிடி, சுகாதார அமைச்சர் டாக்டர் ஜலிஹா முஸ்தபா, சிலாங்கூர் பராமரிப்பு மந்திரி பெசார் டத்தோஸ்ரீ அமிருடின் ஷாரி மற்றும் பகாங் மந்திரி பெசார் டத்தோஸ்ரீ வான் ரோஷ்டி வான் இஸ்மாயில் ஆகியோரும் கலந்து கொண்டனர்.
நேற்று (ஆகஸ்ட் 17), எல்மினா டவுன்ஷிப்பில் உள்ள கத்ரி நெடுஞ்சாலையில் பிற்பகல் 2.50 மணியளவில் பீச்கிராஃப்ட் மாடல் 390 (பிரீமியர் 1) விமானம் விபத்துக்குள்ளானதில் 10 பேர் கொல்லப்பட்டனர். பலியானவர்கள் பகாங் உள்ளூர் அரசு, வீட்டுவசதி, சுற்றுச்சூழல் மற்றும் பசுமைத் தொழில்நுட்பக் குழுத் தலைவர் டத்தோஸ்ரீ ஜோஹாரி ஹருன் உட்பட இரண்டு விமானக் குழு உறுப்பினர்கள் மற்றும் ஆறு பயணிகள்.
