தாவாவ்:
கடந்த செவ்வாய்கிழமை, கோவி பே பீச், பத்து 2 ஜாலான் அபாஸ் கடற்கரைப் பகுதியில் தேசிய சுங்கத் திணைக்களத்தின் சபா மண்டல பிரிவு மேற்கொண்ட சோதனையில், 384,000 கட்டன் சிகரெட்டுகளை கடத்தும் முயற்சியை வெற்றிகரமாக முறியடிக்கப்பட்டது.
பல்வேறு பிராண்டுகளின் அனைத்து சிகரெட்டுகளும் சுங்கத்தால் தடைசெய்யப்பட்டதாக சந்தேகிக்கப்படுகிறது மற்றும் அவற்றின் மொத்த மதிப்பு RM261,120.00 என்றும் வரி மதிப்பு RM76,800.00 மதிப்புடையதாக மதிப்பிடப்பட்டுள்ளது என்று, JKDM சபா மண்டல உதவி இயக்குநர் ஜெனரல் முகமட் நசீர் டெராமன் கூறினார்.
இரவு 9.15 மணியளவில்,கடலோரப் பகுதியில் மேற்கொள்ளப்பட்ட சோதனையின் முடிவில், சந்தேகத்திற்கிடமான நிலையில் பெட்டிகள் குவிந்திருப்பது தெரியவந்தது என்று, இன்று காலை நடைபெற்ற ஊடகவியலாளர் சந்திப்பில் அவர் கூறினார்.
1967 சுங்கச் சட்டம் பிரிவு 135(1)(d) இன் படி விசாரணை நடத்தப்பட்டு வருவதாகவும், பொருட்களின் உரிமையாளரை தாம் தேடி வருவதாகவும் முகமட் நசீர் கூறினார்.
